Sel 30tal Augustil 1866

Kohhut mõistman ollid:

Johan Waldson päkohtomees

Jürri Ernitz kohtomees

Jürri Sokka - do -

Mõisa kõrtzi mees Aleksander Otsason kaibas, temma Lehma kaalast ollewad üks weike kell ärra warrastud, nüüd ollewad tema Mõisamoonamehhe Jaan Stallmeister Obbesekaalan ütte säratse helliga kella kuulnud, nink mannu kaema lännu kas temal om.. Se Moonamees Jaan Stallmeister ei olle laskno, nink kiwwiga temale käewarre pale löönu, nink irmsast sõimanu

Otsasoni kässi olli sinnine, nink haddaline.

Se Kell ei olnud mitte kõrtzimehhe jaggo olnu.

Moonamees Jaan Stallmeister wastas: Kõrtzimees Otsason ollewad wäggise temma Kella Obbese kaalast ärra tommanu, tedda ka kellaga löönu, nink trotsino - selleperrast ollewad temma Kõrtzi meest sõimanu nink Kiwwi wõtno nink Kõrtzimehhe Hambit suust mahha lüwwa lubbanu.

Antis tunnistajas Peet Ramjalg nink poig Peet Ramjalg

Peet Ramjalg tunnistas: Moonamees Jaan Stallmeister ollewad Kõrtzi meest kiwwiga enne löönu, nink Kõrtzimees ollewad sis Jaan Stallmeistred Kellaga wasto mutsanu.

Poeg Peet Ramjalg tunnistas: Stallmeister ollewad Kõrtzimeest enne löönu, nink siis ollewad Kõrtzimees kellaga Jaan Stallmeistre pähha löönu.-Se kell om Jaan Stallmeistre jaggo olno.

Et Moonamees Jaan Stallmeister sedda Kella illusti kaeda es lasse nink tülli teggi ja enne Kõrtzimeest kiwwiga lõi.

Mõistetut.

Jaan Stallmeister peab 1 Rubla trahwi Kõrtzimehhel 8 päiwa perrast wälla masma.

XXX Johan Waldson

XXX Jürri Ernitz

XXX Jürri Sokka