Kristo Toom kaebas, et Kusta Kutsaril üttelehma müinud 15 Rubla eest. Selleperrast, et Kusta lehma rahha ärra ei olle masnu, saatnu temma omma naesega 3 Rubla käerahha taggasi ja lasknu lehma koddon weddata. Temma naene om käerahha Kusta poijale Johanil sängi peitsi pääle pandnu ja lehma koddon toonu. Kristo nõuab lehma ehk ka 15 Rubla saada, sest walla wannemb lasknu lehma Kustole taggasi weddata. 

Kusta Kutsar ütlep: minna ollen lehm ostnu ja ka rahha wallawannemba kätte andnu ja 3 Rubla käerahha, müid ei tia minna middagi.

Johan Kutsar ütelp: minna kül näggin, et Kristo naene Lies rahha lawwa pääle pannu, kas ta perrast ärra wõtsi ehka kus saije, ei tia minna.

Lies Ennilene ütelp, et üts kolmrubla tükk olnu, kedda Kristo naene lawa pääle pandnu ja Kristo naene ütlep, et kolm rublatükkid ne olnud kedda temma sinna wiinud.

Mõisteti: Kristo Toom om lehm 15 Rubla eest müinud, 3 Rubla käerahha wasta wõtnu ja 12 Rubla om temma kätte saanud kohtomehhe läbbi, neid 3 Rubla, mis temma Johan Kutsar sängi pääle pandnu, peab ilma jääma selle, et tunnistus se ülle ei olle.

Mõistus kuulutedi §773 selletamissega.