Nekrut Johann Petta kaibas et Kõdre Johan Pill temmale wõlgu om, ütteajasta sullase palk 4 R. S.  ja tema kaddunu Emma Marri käest ollew Johann Pill 9 nakla willast särgi langa sanu ja ka üts poolpeetu kask, mes to aone kohtomees Kõdre Jürri Hermlin päle Emma surma Johann Pille kätte weenu. 

Sai perra kulleldus nink awwalikus, et kui Johann Petta emma ärra kooli, sai Johann Petta, kes to kõrd 6 ajastat wanna olli, kohto polest Johan Pille kätte kaswata antus, nink arwati se poolpeetu kask ja need 9 nakla särgi langa temma kaswatamisse eest, nink anti Johann Pille kätte. Se muud perrajänu warrandus 5 R. S. hõb. sai walla ladiko pantu. Johann Pill kutsuti ette nink tunnistas et temma kül need 4 R. S. palka wõlgu om, ja et temma selle rahha ka ärra massab, ent se lang ja kask ollew temma kaswatamisse eest saanu. Kohtomehhede säudmisse perra lubbas Johann Pill ka weel langade eest 3 R. S: Johann Pettale massa. Sest et Johann Pillel mitte rahha ütten es olle, lubbas temma sedda 7 R. S: koddon massa. 

Pääkohtomees Karl Zimmer XXX

kohtomees Märt Lüüs XXX

Kohtomees David Kaar XXX

  "  Rein Anton XXX