Wallawannemb Jakob Andreson kaebas et koolmeistre poig Jaan Märtinson temma 10 aastad wanna poig Kustat ilma süidi witsa kimbotuwwega 5 korda lönu, ja selle pesmisse läbbi, om lats mitto paewa iage olnu.

Jaan Märtinson wastab, selleperrast et Kusta teisel latsel olli löönu, lõie minna Kustat 3 korda witsa ladwaga.

Koolilats Lies Luik ütlep, minna näggin et koolmeistre poig Jaan, Kustat 3 korda witsa tüwwega sälga pääle lõie.

Kog. wannemb Jakob Andreson kaebas, et koolmeistre kooli maian mitto kõrda tansmist piddawad, ja se läbbi koolimaia saab teotedu, sest Luika Johani tütred, Ann nink Leno ommawa koolimaian tansinud, sest tee päält ollewad poisi neid waggiselt sisse weddanud, Hans Laus nink Margus Jaanson om ka sedda nännu.

Mõistus: Selle perrast et koolmeistre ammet nink ka kooli latse wallitsemisse ei saisa mitte koggokonna kohto nink ka koggokonna wallitsuse mõistmisse, waid Kihhelkonna kooli kohto ülle kaemisse nink wallitsemisse al, saab se protokol Kihhelkonna kooli kohtole ette pantus, ja palleldus, et se assi sääduse möda sahas tallitedu.

Se protokolli kirri saije koggokonna wannembale wälja antus sel 4 Januaril 1873.