Wõru kogokonna kohus sel 23 märz 1888.

                  Man olli Päkohtumees M. Kirjotaja

                            abikohtumees P. Sokk

                                 Kohtumees H. Jõperra.

Ette tulli Siim Johanson Wõru liinast nink kaibas, et Michel Jõggewa temale kats rbl wõlgu ja et ära ei massa sis palle kohut tedda masma sundi. -

Michel Jõggewa olli ka ses tänases päiwas kutsutu om tulnu nink wastud et Johansoni raha kats rbl kül tema käes seisap, ent ei massa selle-

perast tagasi et Johansoon /neid/ oma leppingut mes neil olle weddamise perast tettu murdnu om.

Leppingu järele olewad Johansoon õlle weddamise kõiges aastas Michel Jõggewa katte andnu ent parema tee ajal om Johansoon teistel olut weddada lasknu ja sell kombel Jõggewa teenistusest ilma jatnu selle perast piddawad Jõggewa 2 rbl hendale kahjo tasomises.

Johanson waband et tema sedda leppingut Jõggewaga tennu ei ole.

tunistajaid üles anda ega leppingu kirja Jõggewal ette näidata es ole.

                        Moisted  Michel Jõggewa peab 2 rbl Siim Johansonile wälja masma.

Se moistmine § 773 järele kulutedu

                          Päkohtumees: M Kirjotaja

                             Kohtumees H. Jõepera

                             Kohtumees P Sokk

                                      Kirjotaja M Melz.