Kohto ette tulli Mai Kottli kõrvalsaisja Michel Wõhniga nink andse üles et tema mees' Märt Kotli 22. Juulil 1880 aastal Weriora mõisahe ärä om koolnu, ning talle kogokonna kohtust mitte kadunust mehest perra jäänu varandust üles kirjotadu ei ole. Sis palles nüüd teda siin sel kohtul kui kohtlasel eluaseme kohtul ärä tetta, et tema tõist kõrd võip abi elu sisse minna. - Andse ette W...irru walla kohta kirja 30. Januaril S.a. No. 14, mis tunnistap et selle varandust sääl ei ollew mitte üles kirjotedu. Selle pääle saije sis kadunu Märt Kotli varandus üles kirjutedus, mis niida olli:

1 lehm (verrev) 8 kõrd kandnu/ väärt = 20 rubl.

1 wärvitu kast, rawvutet = 5

nink om sel varandusel perija kadunu Marti latse:

1. poig Joosep 9 aastat vana, 

2. tütar Leena 7 aastat vana,

3. tütar Emilie 4 

Soovitas Mai Kotli, et neile üles antu latsile vöörmündris saas kinnitedus saas kinnitedus Johann Kotli (kadunu velle poig.)

Kohto poolt saije tõine vöörmünder selle varanduse valija nink vastutajas säetus Michel Wõhni.

Otsus:

See kirjutet warandus nimitet vöörmündride valimise ol peran selletust kõiki latsiga kinnitedu nink Mai Kotli luba tõist kõrd abielu sisse astu. -