Ette tulli Peter Parw ja tõst kaibust Michkli Tiisleri pääle, et temmal oli 3/4 wakka alla maad katte wilja rentitu 2 rubla eest ja xoo olen minna saanu agga nüüd on temma Michkli Tiisler see tükk maad ärra kündnu warguisi ja ei minole ennamb lepingo perra kätte, selle maa tükki pääle olen minna weddanu 30 koormad sitta widdanu a'. 30 kop. se on 9 rubla, 30 kuppu hakku olen ostnu a'. 3 s.o. 90 kop.

Michkli Tiisler oli kutsmise pääle ette tulnu ja üttel, et minna andse Parwele küll tükki mõtsmaad, agga kõnnelt es ole mitte katte wilja alla, sitta omme Parw sinna pääle pandnu ja ütte wilja omme ka Parw selle maa päält wõtnu.

Selle pääle es ütle kohton käija ennamb mittagi ütlemist olewad,  sis

Mõisteti:

et Peter Parw wastse maa pääle sitta omme pandnu ja kütnu omme sis ome muidugi 2 wilja õigus Parwel selle maa päält wõtta ja mes Tiisler sünduma peab laskema.

Se otsus saije ette loetus ja ärra selletedu.

Kohtomees: Jaan Järw [allkiri]

      "               Peter Juk [allkiri]

abi   "            AoTurwas [allkiri]