Margus Taht ja temma käemees Johan Erak aste ette ja kaebas, et Jaak Jukk om temmal suwwe teenistusse eest lubbanu 51 Rbl. hõb., 1 amme, paar piksi, zuugi nenda paljo kui kullup, 15 toopi linna seemnit mahha tetta sääl kottan kun minna tahhan ja linna lubbanu perremees ommas aijas harida, agga nuid ei olle peremees linnu mitte sääl paigan lasknu tetta kun ma tahha, palka om weel saada 34 Rbl. 95 Cop., piksi ollen omma kullo pääle lasknu ummelda ja massi rätsepal 45 Cop. ja paar saabit ka ärra piddanu selle eest nõuan 2 Rbl. 50 Kop., üks kõrd palganu perremees tedda puud mõtsast wälja weddama, selle nõuan 1 Rbl. 50 Cop. Keik sedda nimmetedu wõlgo nõuan ma kätte saada.
Jaak Jukk wastab: suwwel es olle Margus 35 paewa mitte minnu töö man, selle eest nõuan ma paewa pääl 1 Rbl. 50 Kop. sest se olli keige kallimp töö aig, ja nimmelt haina-, röaleiku- ja linnakakamisse aig, rahha ollen minna 26 Rbl. 25 Kop. wälja masnu, pastla nenda paljo piddada andnu kui tarwis, linna om Margus essi külwenu sääl kust ta tahtsin, puu raggumist ei tea ma middegi, piksi tahtsi ma ummelda laske, agga Margus es lase ja wõtsi reiwas piksi jaos ärra, saabist ei tea minna middegi. Margus om kül üks paar minnu poija saabit ärra kaotanu, nende eest nouan minna Margusse käest 2 Rbl. hõb.
Margus Taht wastab poija sabist ei tea ma middegi, aigusse ja ärraaijamisse perrast ollen ma kül 31 1/3 päewa perremehhe tööst ärra olnu.
Kohtomees Jaan Kuusk ütlep et temma nännu kui röa põimo aigo perremee üksinda rükki leikanu, agga Margus ümbre hulkunu.
Tunnistus ei olle kumbagi poolt rohkemb.
Mõistus: Margus Taht omma wälja ütlemisse perra om ta 31 1/3 päewa kallin töö aijan perremehhe man ärra olnu, sis peab ta perremehhel igga paewa eest 1 Rbl. masma, se om = 31 Rbl 33 1/3 Cop.
Kätte jubba saanu 16 Rbl. 5 Cop.
Kokko 37 Rbl. 38 1/3 Cop.
sis jääb weel saada 3 Rbl. 61 2/3 Cop.
Summa 51 Rbl.
ja keigist muust nõudmist peab nenda samma Margus kui ka perremees ilma jääma, selle et tunnistus ei olle.
Mõistus kuulutadi §773 selletamissega.
Margus Taht ja temma käemees Johan Erak aste ette ja kaebas, et Jaak Jukk om temmal suwwe teenistusse eest lubbanu 51 Rbl. hõb., 1 amme, paar piksi, zuugi nenda paljo kui kullup, 15 toopi linna seemnit mahha tetta sääl kottan kun minna tahhan ja linna lubbanu perremees ommas aijas harida, agga nuid ei olle peremees linnu mitte sääl paigan lasknu tetta kun ma tahha, palka om weel saada 34 Rbl. 95 Cop., piksi ollen omma kullo pääle lasknu ummelda ja massi rätsepal 45 Cop. ja paar saabit ka ärra piddanu selle eest nõuan 2 Rbl. 50 Kop., üks kõrd palganu perremees tedda puud mõtsast wälja weddama, selle nõuan 1 Rbl. 50 Cop. Keik sedda nimmetedu wõlgo nõuan ma kätte saada.
Jaak Jukk wastab: suwwel es olle Margus 35 paewa mitte minnu töö man, selle eest nõuan ma paewa pääl 1 Rbl. 50 Kop. sest se olli keige kallimp töö aig, ja nimmelt haina-, röaleiku- ja linnakakamisse aig, rahha ollen minna 26 Rbl. 25 Kop. wälja masnu, pastla nenda paljo piddada andnu kui tarwis, linna om Margus essi külwenu sääl kust ta tahtsin, puu raggumist ei tea ma middegi, piksi tahtsi ma ummelda laske, agga Margus es lase ja wõtsi reiwas piksi jaos ärra, saabist ei tea minna middegi. Margus om kül üks paar minnu poija saabit ärra kaotanu, nende eest nouan minna Margusse käest 2 Rbl. hõb.
Margus Taht wastab poija sabist ei tea ma middegi, aigusse ja ärraaijamisse perrast ollen ma kül 31 1/3 päewa perremehhe tööst ärra olnu.
Kohtomees Jaan Kuusk ütlep et temma nännu kui röa põimo aigo perremee üksinda rükki leikanu, agga Margus ümbre hulkunu.
Tunnistus ei olle kumbagi poolt rohkemb.
Mõistus: Margus Taht omma wälja ütlemisse perra om ta 31 1/3 päewa kallin töö aijan perremehhe man ärra olnu, sis peab ta perremehhel igga paewa eest 1 Rbl. masma, se om = 31 Rbl 33 1/3 Cop.
Kätte jubba saanu 16 Rbl. 5 Cop.
Kokko 37 Rbl. 38 1/3 Cop.
sis jääb weel saada 3 Rbl. 61 2/3 Cop.
Summa 51 Rbl.
ja keigist muust nõudmist peab nenda samma Margus kui ka perremees ilma jääma, selle et tunnistus ei olle.
Mõistus kuulutadi §773 selletamissega.
