Mõtsawacht Joseph Mauring kaebas, et allan nemmetedu innemissed ollewad mõisa mõtsast puid warrastanud ja ka endele ärrapruknud.

1. Jakob Kukrus.

    1 kõiw 12 tolli paks 33 jalga pikk

    1 kõiw 10 tolli paks 24 jalga pikk

    1 kõiw 6 tolli paks 18 jalga pikk

2. Josep Kukrus ja Hans Warrik om raggunud

    18 kõiw, arwatata 3 ehk 4 sülda puid, sedda om Karl Johanson nännu ja wõib ka tunnistada.

3. Andre Kristo Toom

    1 kuus 12 tolli paks 30 sülda pik - 1 Rbl. 20 Cop.

    1 kuus 12 tolli paks, 30 sülda pik, ei olle tunnistus

4. Lompi Peter Partz

    1 kõiw 8 tolli paks, 24 jalga pik= 204 Cop.

    1 peddai 12 tolli paks, 30 jalga pik = 165 Cop.

    1 peddai 7 tolli paks, 12 jalga pik = 36 Cop.

5. Bernhard Inselberg

    1 kõiw 8 tolli paks, 30 jalga pikk = 246 Cop.

    1 kõiw 8 tolli paks, 30 jalga pikk = 246 Cop.

6. Jaan Awwi:

    1 kõiw 10 tolli paks 30 jalga pik = 417 Cop.

    1 kõiw 6 tolli paks 18 jalga pik = 114 Cop.

Tunnistaja Karl Johanson ütlep, temma lännu Kiwwisaare tallo hobbest ostma, sis löwdnu mõtsan üks unnik aggo ja mõnne algo puid om seen olnu, kelle puid na om olnu es tea ma ja ei olle senni peawani teada saanud. 

Ad. 5 Bernhard Inselberg tulli ette ja ütlep, temma sullane om kül piiri weeren puid raggunud, sest temma mõtsa piir ei ollew mitte selgeste olnu ja mamõtsa om üttelnud, et piir peab wiis künard lai ollema, sis om temma sullane ilmteadmatta neid kaks kõiwo raggunud, sest üks neist 2 kõiwust om hobis mäddanu olnu, ja selle eest ei woi middegi masso nõuda.

Mõistus: Bernhardt Inselberg peab masma 1 terwe kõiwo eest 1 Rbl

1 mäddanu eest 25 Cop.

Kokko 1 R. 25 Cop.

Se rahha olgo kolme näddali pärrast ärra mastu.

Mõistus kuulutadi §773 selletamissega.

Ad.1.  es olle kohto ette tulnu.

Ad.2, Josep Kukrus tulli ette ja ütlep, ne kõiwu olli pirru puust antu, ja na kõiwu pakku olliwa mõisa poolt lubbatu.

Hans Warrik ütlep nenda sammoti kui Josep Kuktus, temma ollew neid aggo om ta omast niitust puhhastanu, na aggo agga mes sanna man lawdu om Josepi jaggo olnu.

Otsus: Tunnistaja Jakob Kukrus Wanna Rusa Alska karja mõisast tõisel kõrral kohto ette tallitada.

Ad. 3 Kristo Toom ast ette ja ütlep, minna ei olle üttegi puud raggunud, muid kui üks kanni arwata 5 jalga pik, sest meil om essi kontrahti perra puud ja aggo saada mes perrast sis warrasta minna.

Mõistus: Kristo Toom enda wälja ütlemis perras om ta ütte kanno mõtsas raggunu, sis peab ta ütte kuusepuu eest 8 paewa seen 1 Rbl ja 20 Cop. ärra masma, agga tõisse kuuse eest ei woi mõtsa wacht middegi nõuda selle et tunnistus ei olle.

Mõistus kuulutadi §773 selletamissega. 

Ad. 4 Lompi Peter Partz tulli ette ja ütlep temma om kül ütte kõiwo raggunu ja se om mõisapoolt pirru puust lubbatu olnu ja ka mõisa tempel kirwega om pääle löödu olnud, selle man om tunnistaja Peter Uibo. 2 peddajad ollen ma olma lubbaga raggunud.

Mõtsa wacht ütlep mullune assi ei puttu nul, sest mul peab igga puu eest täht ollema.

Otsus: Tullewal kohto päewal kohto ette tallitada Peter Uibo ja Peter Partz. 

Ad. 5. Ette ärra selletedu.

Ad. 6. Jaan Awwi tulli ette ja ütlep:se om külõige et ma kaks kõiwo ollen raggunu. 

Mõistus: Jaan Awwi peab ütte suuremga kõiwo eest 2 Rbl.

ja wahhemba eest 50 Cop.

Kokko 2 Rbl. 50 Cop. 8 paewa seen ärra masma, Jaan Awwi massi kohhe se rahha ärra.

Mõistus kuulutadi §773 selletamissega.