Ann Normann kaebas et temmal om Märti perremehhe raudpessulit ärra kaddunu, ja temma om sele pessula eest Märti Hansol 5 Rubla piddinu masma, aga nüid om temma tunnistajide läbbi teada saanud et se pessulit Linnamäe wallan Hans Normanni kambren olnu, selle perrast nõuab Ann Normann et Hans Normann selle pessula eest 5 Rubla peas masma ehk se pessulit taggasi andma.

Hans Normann tulli ette ja ütlep se raudpessulit mis tol korral minno kambren olli, ütte Linnama monakse pessulit olnu, ja se monake ütte pessuliga wennemaale ärralännu, selle ei woiwad tema se pessulit mitte ette näitata, se ülle temmal üttegi tunnistus ei ollewa kui se pessulit monuksel perris olnu.

Tunnistaja Johan Piks Sangastest, tulli ette ja ütlep et temma Linnamäe wallan Hans Normanni kambren ütte raudpessulit 1½ jalga ehk ka pikkemb om nännu ja Hans üttelnu et se temma omma ollewad. 

Tunnistaja Kili Adre Sangastewallast ütlep minna ollen simmaga ja ka käega ütte raud pessulit Hanso Normanni kambren nännu ja käenu, kas ta Hansol ehk mõnnel teisel perris olli ei woi minna üttelda, sest minna mitte sedda perra es nõuwa.

Mõistus: Tunnistuse wälja ütlemisse perra om Hans Normanni kätte raudpessulit nätta olnu, aga Hans es woi mitte selgest tetta, kus ta tedda om saanud, mõisteti Hans Normann peap selle pessula eest 5 Rubla 8 päiwa seen, tämbätse päiwast arwata ärra masma.

Mõistus saije kuulutedu §773 selletamissega.

Hans Norman es olle raho ja saije oppuse kirri kätte sel 22 Julil 1875.