Wosse Jürri Anderson tulli ette, nink antis ülles, et temma teist körda abbiello sisse tahhab minna nink teggi sin kohto een omma eddimetse Abbiellolastega ossa jäggo, ni kui sin om ülles woedut: igga üks eddimesse Abbiellolaits nende nimmi om, poig Mert, poig Hans, tüttar Ann nink tüttar Marri, sawa sest, mis Wossetallo eest perrishärra kätte sisse massedu 600 Rublast rahhast - 50 rubla ossa jaggo - nink weel muust kramist ni kui nimmelt: poig Märt 1 Lehm, 1 Obbene, 1 Lammas nink 1 Sigga. Poig Hans 1 Obbene, 1 Lehm, 1 Lammas nink 1 Sigga. Tüttar Ann 1 Lehm, 1 Lammas, nink 1 Sigga. Tüttar Marri 1 Lehm, 1 Lammas, nink 1 Sigga.

Neist Emma reiwit sawa weel ossa jaos, tüttar Ann 1 Kassok, nink tüttar Marri 1 Särg (kuub) 4 Rätte, Ann saab 1 Undruk, nink kumbagi 4 Amme tais linnast Reiwast.

Nende Laste wöölmündres sai kinnitut nende onno Aido wallast Mats Ärg, nink temma olli ka sin man nink kuulis sedda asja pält.

Laste Essa Jürri Anderson XXX

Laste wölmünder Mats Ärg XXX

Jaan Dobro XXX

Mihkel Koch XXX

Johan Lõhmus XXX

Karl Koch XXX