Wallawannemb Karl Ürril kaibas, et üks pühhapäiw ösel 27. Julil Pokka monamehhe Johann Männi ja Hans Waber hobbesega temma wärrete ette sõitnu, piddanu sääl kinni, piddanu ni kui ühte kurja nõu, üks selts üttelnu, lähme sisse, töine üttelnu ei olle nüüd hä minna, wimati käändnu ümbre ja tuhhat nelja sõitnu taggasi. Ta sowib järrele kulata, mis päle nemma wälja tulnu.

Kaewataw Johann Männi ja Hans Waber wabbandasit et nemma tulnu õhto Mellistest, tahtnu Kulbi kõrtsi ka sõita, wankri läinud Karl Ürrila wärrete kottal katski, ei sanu eddesi minna ja käändnu ümbre. Nemma ütlewa 2kessi henda ollewat, ja ei olnu märatski muud kurja nõu.

Kaewataw arwas et neid olnu ennamb kui 2kessi - wist kurja nõu päle wälja tulnu - kunna siis südda maggamisse aig olnu ja ütski kõrtsimees ennamb üllewen ei olnu - 1/4 tunni seisnu ennege nemma wärrete takkan, muido olnu tullek tuhhat nelja ja nisamma taggasi minnen.

Moisteti: Et selle ümbre hulgumisse eest öösel ühhest kõrtsist tõiste pälegi perremehhe hobbesega on kummalgi 15 witsa lögi trahw ehk 3 rubla waeste lati trahwi maksa.

Se otsus sai kohto käujile tänna sel 5. Septembril s.a. 1860 a. t. r. s. r. seiswa §. §. 772 ja 773 järrele kulutud ja kaewatawile suremba k. k. tarbis õppusse kirri antud, kes tänna ülles andsit surembad kohhut käija.

Pä kohtomees Karl Tattrik XXX

Kohtomees Johann Sternfeld XXX

Kohtomees Hendrik Thür XXX

Kirjotaja F. Thal <allkiri>