ad.1.

Mõisa wallitsus antis kaibost ette, perremees Ellamärdi Janus Josto ollewad:

1, mõisa kaks kuhja pessa ärra lahkinud, nink kik puu ärra palludanud kos kiki wähhem 25 Rowikud olli.

2, seitse kõopuut loga tarwis 2 1/2 tolli jämmeda raggono.

3, kolm kõopuut 4 1/2, 5, nink 6 tolli jämmeda tüwwest.

4, poole wakka maa noord kassomõtsa ärra raggono.

5. 1 koorma Aggo sullane Margos raggono.

6 Parre puit mõisa mõtsast, ilma mõtsa wahhi lubbada raggono.

7 Tallo ehhotamisse mand ülle jänu palki nink puu mis keelo alla panti 160 tükki ärra pallodanu.

Tunnistaja: Liwa Jaan Krootmann, Johan Wassar, nink Jaan Wester.

Jaanus  Josto tulli ette nink wastas:

1, neid kuhja asseme puit ei olle temma mitte wiino ei tia neist middagi.

2, neid 7 kõopuut lokas, ei olle temma mitte mötsast raggono, need Lookad om temma Rowigo tüwwest painotanu.

3, neid 3 koõpuid om temma kül raggono nink koddo toonu.

4, norest mõtsast om temma Aggo raggono, et temma Tallo wois kütta, nink se ka Tallo möts olli-

5, sedda 1 koormad Aggo möisa mõtsast ei olle temma raggono.

6 Parre puid om temma raggono möisa lubbaga.

7, Tarre ehhitussest, ülle jänu puit, om temma ossast Lauda laese pannud nink Ussetulpis prugnu, nink nee ülle jänu puud om kik mõisa ärra tootud.

Jaan Krootman tunnistas: temma om nännu kui Janus Josto welle Margus nink - ? - neid kuhja pessa puid toonu nink pallutanu nink ka nännu, kui Janus Josto neid 7 koõpuut möisa mötsast toonu nine ossatega, nink neist Looke painotanu, sedda ka warsti mötsa wahhil Johan Wassar ärra kõnnelnu.

Johan Wassar tulli ette nink wastas: Jaan Krootmann om temmal üttelnu, et Ellamärdi poisi kuhja pessapuid toonu, temma sis kaema lännu, nink katte kuhja pessa puu ärra tootu olnu. ka need 7 koõ kando mõtsast ärra leitnu.

Jääp se kõrd poleli.