Marri Lind omma wend Tõnnis tulliwa Kohto ette ning Marri kaebas, et Jaan Mühlberg ollno tedda hirmsaste löönu ni et koik ihho ja silmad sinnine on perremees on jurde olnu ning mitte keelnu ja Jaan om weel üttelnu minna olla Soldan ma tahhan sul näita. Wallawannemb ja Pääkohtomees omma tedda warsti ülle kaenu.

Wallawannemb ning Peakohtomees tunnistasiwa et Marri kaibus õige ollewat.

Jaan Mühlberg ütleb, et Marri ollema temma sõimanu, perremees Hans Leng om man olnud.

Hans Lang ütles, et Marri om Jaan teotanu ning lori ajanu ja temma om ka Marri ja Jaan kelnu agga nemma ei olle temma keelmist kulnu ja Jaan om siis Marri peksnu.

Marri Lind ütleb et perremees ei olle keelnu ja sõimanu ta ka ei olle.

Marri Rose ütles et ta om 1½ aasta taggasi Marrile üttenu, et Jaan om tüdriku man käinu ja hainateggemisse jure om se tülli tulnu perremees ja perrenaine omma manu olnud. Sedda ta ei olle kulnu kas perremees om keelnu woi mitte.

Mõisteti: Et Jaan saab 25 hopi witsu selle et ta om omma jouduga pessnu ning annab ka Marrile 5 rubla wallurahha ja perremees Hans Leng massa 3 rubla ladikote trahwi selle et ta ei olle ni kui perremehhe öigus om neid keelnu.

Mõistminne kuulutadi § 773 ja 774 perra.

Kolme näddala parrast olgu rahha ärra masseto.

Tõnno Rosileht /allkiri/

J. Parron /allkiri/