Pangoti moisan sel 25 Septbr 1870

Kohtopeäl olliwat:

Peakohtomes Jacob Kalberg

Manistja Jürri Sokka

dito Endrik Kotkas

Kaibas Unnipiha walla perremes Jaan Waddi, et Pangotist Johan Ziza temma ellajat Karl Dombergi polle kinni aijano ja seäl 1 aastane wassik ärra pustos sano ni, et tõisel päiwal ärra lõpno ja tema Dombergile /.4 Rbl hob./ nelli rubla wilja kaho ette massno muido mitte kätte andno.

Ette tulli Johan Ziza ja wastas, et tema ei teedwat sest middaki muud kui tema näino, et ellajat om, wiljan ollo ja hõikano - üts karri sijn wiljan, nink Sellepeale tullo Karl Dombergi kats karja tütrokut nimelt Lena ja Sohwi, kea neid ellajit karast wälja aijano

Weel ütles Jaan Waddi, et Domberg temmale ütelno, et Johan Ziza tema poole need ellajat kinni aijano läbbi wilja. Ja antis tunistajas Johan Waldsoni - Nink nõudis 15 rubla selle wasiko est.

Ette tulli Johan Waldson ja wastas, et Domberg ütelno, et tema Johan Zizale 1 Rbl massno ellajite kinni aijamisse est

Moistus

Moistetus sai, et Johan Ziza peäb 2 w kaero Karl Dombergile massma ja Jaan Waddile peäb wassika est 7 Rbl hob massma, - Nink waeste ladekute 90 cop et kolm korda käsk sano ja mitte tullo, Moistus sai seadost moeda kuluteto      

Peakohtomes Jacob Kalberg XXX

Manistja Jürri Sokka XXX

" Endrik Kotkas XXX