Astus ette Lisa Põdder nink kaipas sin koggondusse kohto een, et temma lehm nende enda tallu karjaman nenda om ärrä pusseto, et temmast middagi sada ej olle. Kohtomeste ülle kaemisse perra om se kaibus õige. 

Karjus Lotta Koch ütlep, et ne lehma kolmekõiste pusklema om lännu, eddimält nakkas Mikkali lehm Liso lehmaga, ja sis tulli Karli lehm ja puskse ka Liso lehma. 

Tõijne Karjus Isak Waltin ütlep, et Lotta Koch om tälle üttelnu, et Karli lehm olli enne puskno, ja sis perrast om Mikkali lehm tulno. 

Moisteto. 

Sest et kats lehma sedda ütte pusknu omma, nink tood ej tija kellele lehm om rohkemb haiget tennu, et sis ne 2 perremeest Werdi Mikkal nink Karli Koch Liso Põdrale selle lehma kahjo tõine tõise 7 Rbl. 2 näddäli sissen ärrä massawa, nink se haige lehma endale wõttawa. 

Päkohtomees Karl Zimmer XXX.

kohtomees Rein Anton XXX.

Sacher Pik XXX

Werdi Leinus XXX

Oitt Zipp XXX.