Ette tulli Peeter Pallo nink andse üles et tema hobene 10/11 Febr. tallist ollew ärä warastedu. - Tal olnu ilma lukuta. Arwas et Jaan Holwandus Palu wallast ollew tema hobuse warastanu, selle et see 10. Febr. Wõrul Jaanimäe majas Mõttuse kortinan maganu, kost see ilma maja peremehe teedmata selle ree õdan. kel 10 aigu kodu sõita wõtnu, enge toonu 11. Febr. hommungu warra üts tõine mees keda Daniel Sittik Wõrul teedwat tunnistada - ree tagasi mis Palu wallast mitte selle lühke ajaga wõimalik ei wõiwat olla, enge arwas et tema hobene selle reega wiidu nii kui ka perra jäänu ree jäle tunnistawat. -

Pääkohtomees Jaan Kuk tunnistas et tema om Peeter Pallu talli läwe eest perra jäänu sula lumme päält löütavid ree jälgi mõõtnu nink tunnistas et selle ree jäle mis tema Wõrul Jaanimäe hoowi pääl löüdnu kellega Jaan Holwandus nimitet ööl sõitnu, - ollew perra jäänu reejäle mis talli lave een kohalt tähtsa ollew, selle et nimitet reel ollew wana ratta witsa al, hää pooline jalas ollew rawwaga ütte laiju, aga kura poolitsel jalasel ollew sise pool 3/4 tolli puud üle rawwa. - 

Johann Sulg tunnistas niisama. - 

Otsus: See asi §1077 perra keiserliku Wõro Maa kohtuhe sisse saata.