Ette tulli Jakob Luksepp ja tõsti kaibust Andre Lõhmuse pääle, et wiimane on minno mõtsast 2 palki 4 sülda 2 jalga pikka ja 10 tolli jäme walmis raotu, ärra on weenu 5 rubl. palk neide eest wälja mõista. - sedda wõib kohtomees Jaan Järw tunnistada.

Andre Lõhmus oli ette tulnu, ja andse selle kaibuse pääle wastuses, et mina Lukseppa mõtsast mitte neid palke toonu ei ole ja ei tija sellest middagi.

Kohtomees Jaan Järw andse tunnistust, et mina neide asjast middagi ei tija.

Selle pääle es ütle kohton käija ennamb middagi ütlemist olewad, sis

Mõisteti

et puuduwa tunnistuse perrast Jakob Lukseppa kaibus tühjas tettu.

Se kohto otsus saije kohton kaijele ette loetus ja ärra selletedus.

Päkohtomees Johhan Konz [allkiri]

kohtomees Peter Juk [allkiri]

abi   "           Ado Turwas [allkiri]

Kirjotaja: Piirisild