Tulli kohto ette selle walla perremiis Peter Retpap ning kaibas minna wahheti perrisherra lubbaga Päkohtomehhe Andres Taggeperraga 16n April s.a. henda maja seda moodi erra, edimalt olli meie kaup Andres Taggeperra massap mulle 50 R ning saawa maja tullewa Jürripäiwal wahhetetos ent perrisherra sowiminne olli et warsti  sel Jürripäiwal saas wahhetos tettos, lubbas Andres Taggeperra mulle ülle keige 80 R ning meie wahhetus olli tetto nii et Maja sel sammal Jürripäiwal wahhetetos saiwa. Nink minno arwaminne olli kui maja om wahhetedu massab egga üts henda maja päält rent, Nüid om minnol henda wanna maja pool rent 62 R 50 k, kellest minna olle erra masno 52 R ning A. Taggeperra poole Aasta rent om 30 R. Selle perra om mnnol taggasi saada 22 R.

Selle pääle saige ette kusoto A. Tage. ning wastas küssimisse pääle et  muido keik õige om ent neil ei olle rendimasmisse perrast üttigi kõnnet ollu sest temma arwano et Peter Retpap ning welli Mihel nidasammote kui temma rendimasmisse terminil se om 15al Märzil henda pool renti om erra masno.

Saiwa ette kutsu kaemehhe kohtomees Jaan Koch ning wöölmölder Peter Timmer tunnistiwa et kauba teggemisse man rendi massmisse perrast üttegi konnet ei olle ollu.

Moistus

Peter Retpop  ning temma welle Mihel Retpop kaibus Keiserlikko kihkonna kohto kätte saata Päkohtomehhe Andres Taggeperra ülle moista.

Walla wannemb

Abbi kohtomees Hans Walgerist

       "              Jaan Koch

Prottocoll wälla anto 26 Mail.