Jaan Johansohn, Ahjalt, kaibas, et ta teinud minnewa suwwel Ahjamoisa heina ma pääl Pokka pirin moisa lubbaga numa heina, kellest 1 kuhja ta kül ahja heina ma päle ülles pandnu, ent töise pandnu ta Pokka Lütti tallo ma pääle Ahja piri liggidal selle tallo perremehhe poja Johann Sotniku lubbaga, kui ta tona Ahja moisale mõllembist kuhjade eest tolli heinat ärrä andnu, nimmelt selle Ahjamoisa ma pääl seista kuhjast leinud ta omma ossa, (selle) kuhja järrele mis Lütti tallo ma pääl seisab, olnu se tallo pois Johan Sotnik ja selle 3 koormalisse kuhja järrel, tahtnu neid ärrä warrastada, kellest jo 2 koormat temmal päle tehtu ja weel 1 teggemada olnu ja sedda weel päle teinud. Ta pallunu siis Kastremoisa heina wahhi Peter Poska (Sotniku) appi, kes wõtnu neil heinat 3 koormat käest nink pandnu Kastremoisa õue päle mahha, seni kui kohhus moistab, selle mahha pannemisse jures olla ta, Johann Sotnik 1 neist kolmest koormast 1 wähhamba henda henda koorma heinde wasta ümbre wahhetanu nink tedda, kaebaja Jaan Johannsoni 1 körd lönu, selle jures olla Kastre hein waht Peter Poska tunnistaja, ja et Johan Sotnik essi temmale lubbanu ne Ahja ma päält nidetu heina temma Pokka piri pääl seiswa kuhja pessa päle panda, woida Sarrakusse mehhet: Johann Kipus, Michel Saar ja Jaan Särg tunnistada, mis heino nüüd ta Johann Sotnik ärrä warrastada tahtnu, onna abbiste Johan Sternwelti ja Johan Kallaga. Ta palluda nüüd ne Kastren seiswa heina kätte moista ja süidlasselt ni mitme korra eddesi taggasi käimisse kahjo tassomist kui tedda warga trahwi alla tõmbata.

Kaewataw Johan Sotnik wabbandas küssimisse päle: minna es lubba kaebajal neid heino omma kuhja pessa sisse panda Ahja ma päält, ei teednud ka et temma heina olliwa, leidsin ennege et 1 kuhhi heini minno heina ma pääl olli, ütlen omma pä kohtomehhe Johan Sternweldile, et 1 heina kuhhi minno ma pääl, kes ütles: sedda heina ei tohhi sa wõeril ärrä wija laske, peat essi ärrä toma, muido tulleb trahw. Siis wõttin omme ja neid heini weddama appi Johan Sternweldi 1 hobbesega, ja Lawasti perremehhe poisi Johan Kalla 2 hobbesega. Wimati tulli kaebaja parrajast senna, nink saiwa siis ne heina Kastre moisahe mahha pantus, kelle ma päält tülli olli. Ühte koormat neist heindest ni kui kaebaja arwab, ei olle minna mitte ümbre wahhetanu, ei ka tedda selle jures lönu.

Kutsuti ette ka kaewatawa (abbilisse) heinaweddaja:

1. Johan Sternwelt, kes ütles: Johann Sotnik palgas minno ja Lawatsi perremehhelt Johann Kalla 2 hobbesega ommale abbis heino weddama, kui heina ma päle heina kuhja teinud, minna küssin, kas se ärrä tuwwa ehk mitte, siis ta wastutas, panneme päle, siis pannime ka päle, wimati tulli se kuhja ommanik Jaan Johannson nink nakkas neid ommas perrima, siis ollin minna ka walmis, Kastre moisahe wima, muido olles arwatu süidi - kunna se tülli assi.

2. Johan Kalla ütles: minna ollin kül Johan Sotnikul ka abbis heino toman, nink pannin päle, mis perremees käskis, wimati tuli tülli, kelle päle neist tülli heindest minnol 1 koorma, Johann Sternweldil 1 koorma ja kaewat Johan Sotnikul hendel 1 koorma mahha pantus saiwa, ümbre wahhetud neist ei sanu keddagi. 1 must hobbene 2 werrewat hobb.

Peter Poska, heinawaht Kastrest ütles: selle tülli päle lassin minna ne 3 koormat heino Kastremoisa õue päle mahha panda, lömist minna es näe ei tija ka heina ümbre wahhetussest middagi.

Moisteti: Et 25. Webruarist ette tallitada tunnistajad Sarrakussest:

ja on kaebajal Ahjamoisa käest 1 tunnistus kirri tuwwa, et ta Ahjamoisa teedmissen ne heina senna teinud ja Ahja moisale ta tolli ärrä andnu, ka selle tülli, kuhja eest.

Se otsus sai k. k. kulutud.

Kohtomees Jaan Mollok

Kohtomees Johann Mäkalla, Hendrik Männi

Kirjotaja ​​​​​​​F Thal