Ado Iwask kaibap sin, et Kauksi Peter Markwart tedda sure teepäl hobbesega mahha om aijanu, nink hobbese jalgu alla aijanu, nenda et temma häddälisses om jänu; ja nõup se kahjo eest 120 Rubla. 

Peter Markwart wastut se kaibusse päle, et ta tedda kül takkast õiskanu om, ent temma ej olle kulnu, nink temmal om wehmre otsaga sälga puttunu, ja om mahha saddanu, ent ej olle mitte hobbese ej ka wankri alla jänu. 

Tunnistaija. Jakob Mürk ütlep, et Peter Markwart om I. Ado Iwaski kül mahha aijanu, wehmre otsaga, ent ei olle nännu kas temmale puttu ratta külge wai ej, enne se takkan sõitja Johann Lell om wankertega ülle aijanu. 

Johann Lell sai ette kutsutus, ja temma kostse, et ta Peter Markwarti taggan om sõitnu, nink ej olle enne Ado Iwaski nännu, kui 2 weermest rattast temmast ülle om lännu. 

Tunnistaija. Johann Lüüs ütlep et Peter Markwart nink Johann Lell om parrajat sõito, Peter een, nink Ado takkan sõitnuwa, nink Peter Markwart om Ado loga otsaga mahha aijanu, nink 2 wermest wankri rattast om temmast ülle lännu, nendasamma om Johann Lell ka temmast 2 weermetse rattaga ülle aijanu. 

Tunnistaija.  Mango Daniel ütlep, et temma Ado Iwaskiga teed möda om lännu, nink Peter Markwarti wankrist om hõiskatu, eest ärrä minna, ja temma om ärrä karranu, ent Ado Iwaskij om Peter Markwart wehme otsaga mahha lönu nink katte weermetse rattaga ülle sõitnu. 

Selle kohtu sowimisse päle ej olle neide wahhel lepingut sanu, sis om mõistetu: et 

Peter Markwart peap Ado Iwaskile 6 Rubla nink Johann Lell 4 Rubla kahju rahha masma. Peter om 6 Rubla sin samman ärrä masno, Johanile om 2 näddälit aiga antu. Kõik om selle mõistmisse päle rahhu jänuwa. 

Päkohtomees Karl Zimmer XXX

kohtomees Karl Kubbi XXX

Märt Lüüs XXX

Rein Anton XXX

Rein Joap XXX.