Wõru kogokonna kohus sel 27 julil 1888.

                   Man olli Päkohtumees M Kirjotaja

                                   kohtumees M Melzow

                                    kohtumees H. Jõperra

Kutsutu om tulnu protokol Nr 264 järele

Jaan Horn wastud et tema Jaan Waiwere adra luitsat warastanu ei ole. Jaan Waiwerel nägijat es ole.

Selle peale sai walla wöörmonder P. Saarnits küsitus ja se selet. 30 mail selet Jaan Waiweer minnale et temal adra luits ära om warastadud ja et temal arwamine Jaan Horni peale om ja palel minno et mina Jaan Horni adra mano tules ja sääl üle kaemist ette wõttas.

Sis lätsi mina Jaan Horni mano ja nõudse sis Jaan Waiwere kui ka Jaan Horni käest adra luitsa märgisid. Kui märgid üle olli kulatu sis käskse Jaan Horni adder maaseest wälja tõmmata et sis üle kaeda kelle poolt üles antu märgid õige omma ent Jaan Horn es wotta atra üles selle peale wotse Jaan Waiweer mino käskmise järele adra maa sest üles ja luits sai labbi kaetus sis olli Jaan Waiwere poolt üles antu margi õige ent Jaan Hornil wõlsi sis sai Jaan Horni kaest luits ara wõetud. midda Waiweer omas tunist

Selle peale wabband weel Jaan Horn et tema karjus ilma teadmada tema adra luitsa ära om murdnu ja sis oma isa käest wõera luitsa asemele toonu.

                            Moisted: Jaan Horn lääb warguse eest /3/ kolmes/ öös päiwas kogokonna türmi

Se moistmine § 773 järele kulutedu

Horn kulut 28 julil et rahule ei ole nink lubati ära kiri wälja

                        Päkohtumees: M. Kirjotaja

                           kohtumees: M. Melzow

                           kohtumees: H. Jõpera

                                      Kirjotaja M Melz.