Waltina rentnik Johann Zimmer kaibap sin kog. kohtuman, et kog. wannemb M. Tedder om arwata 6 näddäli eest temma pole tulnu, Waltina, ja ütte temma hobbesist mes sullase süüdi läbbi häddälisses jänu, ärrä tappa moistno, sedda nahka sullasile, nink temmale selle hobbese eest, 12 Rubla sullaste palkast tassumist. Sullase Mango Radi palkast 7 Rubla nink Karl Posti palkast 5 Rubla. Sest et se hobbene oddawast om moistetu, ei woi temma sega rahul jäda, ja nouap selle hobbese eest 50 Rubla. Päle selle kaibap weel Johann Zimmer et koggokonna wannemb om keiserlikku kihhelkonna kohtu een temma päle wõlsno, et temma ollewat sedda kog. kohtomeest Rein Joabit ärrä keelnu, selle keiserlikku kohtu ette minna, kui temma om kutsutu, ja temma tedda mitte keelnu ei olle.
Kog. wannemb M. Tedder wastut se kaibusse päle, et Waltina rentniku sullane Mango Raat om temma pole tulnu, nink tedda Waltina tulla pallelnu, selle et tälle ütte näddäli eest kog. kohtumees Rein Joab nink kog. wör. Karl Post ommawa ütte hobbese eest 15 rubla massa pandnuwa, et temma halwaste kammitse pandmisse perrast omma jalla katski om hõrnu, nink tõine sullane ka säl südi om, selle et temma Walkast Witerjoni õlli om tonu, nink neide haigide jalgu päle wallanu, ja nemma selle rohhu läbbi weel halwembas om sanuwa, nink nüüd om perremees sedda hobbest ärrä tappa käsknu.
Selle kaibusse päle om temma kog. wör. Jaan Simmiga Waltina lännu, nink neide sullaste Karl Post nink Mango Raati käest küssinu ja Mango Raat om üttelnu et Karl Post om neide haigide jalgu päle Witerjoni õlli wallanu, ja sis om selle hobbese jalla weel halwembas lännüwa, sis om nemma se hobbese ülle kaenuwa, nink temma om arwanu, et se hobbene ennamb ei massa, kui 12 rubla, ja arwas neile kattele sullasele kahju poles, Mango Radile 7 Rubla nink Karl Postile 5 rubla massa, selle et ne jalla selle Witerjoni õlli läbbi koggoni halwas om lännuwa. Selle haige hobbese om tema rentnikule jätnu, sis om rentnik üttelnu, kas minna sedda hobbest tapma nakka, sis om temma rentnikule üttelnu, te mes tahhat, se om sinnu õigus, ja kui teije ei tahha sellega rahhul jäda, sis tulge kog. kohtumannu.
Nisamma ütlep ka kog. wöörmünder Jaan Simm kulu ollewat.
Se sullane Mangu Raat ütlep, et kog. wannemb tul temma palwe päle Waltina, ja kaije se hobbese ärrä, nink pand temma hinna eddimelt 10 rubla ja sis küsse rentniku käest, kas sa ollet sellega rahhul, ja to päle üttel rentnik et temma sest hobbesest 25 rubla tahhap, sis üttel kog. wannemb et ma panne sis weel 2 rubla mannu, ja kallimpas ma ei woi tedda moista, ja kui Zimmer sedda hobbest ei tahha, sis tapke temma ärrä, ja se nahk wõtke hendale poles.
Se sullane Karl Post ütlep, et kog. wannemb om se hobbese ärrä kaenu, ja üttelnu, et nemma selle hobbese eest 10 rubla masma peawa, ja om rentniku käest küssinu, kas temma 10 rublaga rahhul om, agga rentnik om üttelnu, et temma ei olle, ja nõuap 25 rubla selle hobbese eest, sis om kog. wannemb üttelnu, noh ma panne sis se hobbese 12 rubla, ja kallimpas ei woi tedda moista, Mango Raat massap 7 Rubla, ja Karl Post 5 Rubla, nink se nahk saab teile poles.
Tunnistaija Ado Pusep ütlep, et temma om kuulnu, kui Waltina rentnik selle hobbese eest 25 rubla om küssinu, ja kog. wannemb om se päle üttelnu, et se hobbene ej massa ennamb kui 12 rubla ja üts sullane massap temma eest 7 rubla nink teine 5 rubla, ja se nahk saap neile sullasile poles. Teil sullase ei olle waija kohhekile kaibama tulla, mes ma ollen moistnu, sellega peate rahhul ollema, minna ussu et Zimmer ni rummal ei olle, et temma kaibamatta jättap. Sis om rentnik küssinu, kelles sis se hobbese nahk saab, sepäle om koggokonna wanemb üttelnu, et se saab siggatelle, ja selle eest woit sa ütte nakla rommi osta.
Kog. wöör. Karl Post ütlep, et Waltina rentnik om temma nink kohtumehhe Rein Joabi Waltina kutsnu, ja se haige hobbese ärrä näidanu, nink küssinu, kuitas teije arwate, mes se hobbene massap, to päle om nemma üttelnüwa, mes meije tijame, lepke essi nenda kallist kui teije arwate, egga meije sin middage moista ei woi, sis üttel sullane Mango Raat ma arwan temma eest 10 rubla, ja se tõine sullane üttel, kui minnu hobbene olles kolu, ehk hukka lännu, ma olles piddanu 70 rubla masma, mes temmast kewwaja pakkuti, ent se ei olle minnu hobbene, tekke mes teije tahhate. Sis om rentnik se hobbese eest 25 rubla nõudno, nink wöörmünder Karl Post om üttelnu, lepke kokko, wast om temma 15 rublaga rahhul, ja to päle ei olle ennamb keaki middagi üttelnu.
Kog. kohtomees Rein Joab ütlep, et Waltina rentnik om temma Karl Postiga Waltina kutsno, sääl om nemma se hobbese ärrä kaenu, ja arwanuwa et temma ennamb /:ei massa:/ terwes ei sa, sis om nemma rentniku käest küssinu, mes temma sest hobbesest tahhap, sis om rentnik 25 rubla küssinu, to päle om nemma üttelnu, et 25 rubla sest hobbesest paljo om, ja wast sa jättat mahha, sis om rentnik 10 rubla mahha jätnu, ja om 15 rublaga rahhul lubbanu olla. Sis om nemma tõiste sullaste käest küssinu, mes nemma arwawa se hobbese maswat, ja kes selle hobbese häddä man se südlänne om, to päle om nemma üttelnu, et ta iks wast 12 rubla olles masnu, sis om Rein Joab üttelnu, et 12 rublat om wast wedi, ja pange iks ärrä 15 rubla, ja selle ütlemisse päle om üts neist sullasist üttelnu, et se hobbese eest iks 15 rubla massa woib. Selle kõnne päle om Rein Joab se 15 rubla sullasele Mango Radile massa arwanu ja om kässinu tõisil sullasil tedda awwitata, ja üttelnu, kui teije sellega rahhul ei olle, sis minge kaibake kohtuhhe.
Koggokonna kohtomees Märt Lüüs XXX
kog. kirjutaija GPalw.
Se Protokoll sai VII Keis. k. kohtu satetu.
Waltina rentnik Johann Zimmer kaibap sin kog. kohtuman, et kog. wannemb M. Tedder om arwata 6 näddäli eest temma pole tulnu, Waltina, ja ütte temma hobbesist mes sullase süüdi läbbi häddälisses jänu, ärrä tappa moistno, sedda nahka sullasile, nink temmale selle hobbese eest, 12 Rubla sullaste palkast tassumist. Sullase Mango Radi palkast 7 Rubla nink Karl Posti palkast 5 Rubla. Sest et se hobbene oddawast om moistetu, ei woi temma sega rahul jäda, ja nouap selle hobbese eest 50 Rubla. Päle selle kaibap weel Johann Zimmer et koggokonna wannemb om keiserlikku kihhelkonna kohtu een temma päle wõlsno, et temma ollewat sedda kog. kohtomeest Rein Joabit ärrä keelnu, selle keiserlikku kohtu ette minna, kui temma om kutsutu, ja temma tedda mitte keelnu ei olle.
Kog. wannemb M. Tedder wastut se kaibusse päle, et Waltina rentniku sullane Mango Raat om temma pole tulnu, nink tedda Waltina tulla pallelnu, selle et tälle ütte näddäli eest kog. kohtumees Rein Joab nink kog. wör. Karl Post ommawa ütte hobbese eest 15 rubla massa pandnuwa, et temma halwaste kammitse pandmisse perrast omma jalla katski om hõrnu, nink tõine sullane ka säl südi om, selle et temma Walkast Witerjoni õlli om tonu, nink neide haigide jalgu päle wallanu, ja nemma selle rohhu läbbi weel halwembas om sanuwa, nink nüüd om perremees sedda hobbest ärrä tappa käsknu.
Selle kaibusse päle om temma kog. wör. Jaan Simmiga Waltina lännu, nink neide sullaste Karl Post nink Mango Raati käest küssinu ja Mango Raat om üttelnu et Karl Post om neide haigide jalgu päle Witerjoni õlli wallanu, ja sis om selle hobbese jalla weel halwembas lännüwa, sis om nemma se hobbese ülle kaenuwa, nink temma om arwanu, et se hobbene ennamb ei massa, kui 12 rubla, ja arwas neile kattele sullasele kahju poles, Mango Radile 7 Rubla nink Karl Postile 5 rubla massa, selle et ne jalla selle Witerjoni õlli läbbi koggoni halwas om lännuwa. Selle haige hobbese om tema rentnikule jätnu, sis om rentnik üttelnu, kas minna sedda hobbest tapma nakka, sis om temma rentnikule üttelnu, te mes tahhat, se om sinnu õigus, ja kui teije ei tahha sellega rahhul jäda, sis tulge kog. kohtumannu.
Nisamma ütlep ka kog. wöörmünder Jaan Simm kulu ollewat.
Se sullane Mangu Raat ütlep, et kog. wannemb tul temma palwe päle Waltina, ja kaije se hobbese ärrä, nink pand temma hinna eddimelt 10 rubla ja sis küsse rentniku käest, kas sa ollet sellega rahhul, ja to päle üttel rentnik et temma sest hobbesest 25 rubla tahhap, sis üttel kog. wannemb et ma panne sis weel 2 rubla mannu, ja kallimpas ma ei woi tedda moista, ja kui Zimmer sedda hobbest ei tahha, sis tapke temma ärrä, ja se nahk wõtke hendale poles.
Se sullane Karl Post ütlep, et kog. wannemb om se hobbese ärrä kaenu, ja üttelnu, et nemma selle hobbese eest 10 rubla masma peawa, ja om rentniku käest küssinu, kas temma 10 rublaga rahhul om, agga rentnik om üttelnu, et temma ei olle, ja nõuap 25 rubla selle hobbese eest, sis om kog. wannemb üttelnu, noh ma panne sis se hobbese 12 rubla, ja kallimpas ei woi tedda moista, Mango Raat massap 7 Rubla, ja Karl Post 5 Rubla, nink se nahk saab teile poles.
Tunnistaija Ado Pusep ütlep, et temma om kuulnu, kui Waltina rentnik selle hobbese eest 25 rubla om küssinu, ja kog. wannemb om se päle üttelnu, et se hobbene ej massa ennamb kui 12 rubla ja üts sullane massap temma eest 7 rubla nink teine 5 rubla, ja se nahk saap neile sullasile poles. Teil sullase ei olle waija kohhekile kaibama tulla, mes ma ollen moistnu, sellega peate rahhul ollema, minna ussu et Zimmer ni rummal ei olle, et temma kaibamatta jättap. Sis om rentnik küssinu, kelles sis se hobbese nahk saab, sepäle om koggokonna wanemb üttelnu, et se saab siggatelle, ja selle eest woit sa ütte nakla rommi osta.
Kog. wöör. Karl Post ütlep, et Waltina rentnik om temma nink kohtumehhe Rein Joabi Waltina kutsnu, ja se haige hobbese ärrä näidanu, nink küssinu, kuitas teije arwate, mes se hobbene massap, to päle om nemma üttelnüwa, mes meije tijame, lepke essi nenda kallist kui teije arwate, egga meije sin middage moista ei woi, sis üttel sullane Mango Raat ma arwan temma eest 10 rubla, ja se tõine sullane üttel, kui minnu hobbene olles kolu, ehk hukka lännu, ma olles piddanu 70 rubla masma, mes temmast kewwaja pakkuti, ent se ei olle minnu hobbene, tekke mes teije tahhate. Sis om rentnik se hobbese eest 25 rubla nõudno, nink wöörmünder Karl Post om üttelnu, lepke kokko, wast om temma 15 rublaga rahhul, ja to päle ei olle ennamb keaki middagi üttelnu.
Kog. kohtomees Rein Joab ütlep, et Waltina rentnik om temma Karl Postiga Waltina kutsno, sääl om nemma se hobbese ärrä kaenu, ja arwanuwa et temma ennamb /:ei massa:/ terwes ei sa, sis om nemma rentniku käest küssinu, mes temma sest hobbesest tahhap, sis om rentnik 25 rubla küssinu, to päle om nemma üttelnu, et 25 rubla sest hobbesest paljo om, ja wast sa jättat mahha, sis om rentnik 10 rubla mahha jätnu, ja om 15 rublaga rahhul lubbanu olla. Sis om nemma tõiste sullaste käest küssinu, mes nemma arwawa se hobbese maswat, ja kes selle hobbese häddä man se südlänne om, to päle om nemma üttelnu, et ta iks wast 12 rubla olles masnu, sis om Rein Joab üttelnu, et 12 rublat om wast wedi, ja pange iks ärrä 15 rubla, ja selle ütlemisse päle om üts neist sullasist üttelnu, et se hobbese eest iks 15 rubla massa woib. Selle kõnne päle om Rein Joab se 15 rubla sullasele Mango Radile massa arwanu ja om kässinu tõisil sullasil tedda awwitata, ja üttelnu, kui teije sellega rahhul ei olle, sis minge kaibake kohtuhhe.
Koggokonna kohtomees Märt Lüüs XXX
kog. kirjutaija GPalw.
Se Protokoll sai VII Keis. k. kohtu satetu.
