Jakob Ermelin kaibap sin kog. kohtuman, et temma om üttel hummungul henda kaska karmanni ütte pungaga, ütte 5 rublalisse papper rahha pandno, nink päle lõuna se kaska säljast aijanu, ja henda sängipäle pandno. Tõisepäiwä hommugul kui ta se kaska sängist om wõtno, ei olle sedda rahha ennämb pungan olnu, ja temma om tühhä punga enne löudno. Sedda rahha arwap temma tõise tallu poiskesse Johann Pill ärrä wõtno ollewat, nink annap seman tunnistaijas Johann Nutti. 

Johann Pill sai ette kutsutus nink küssitus selle kaibusse päle, ja temma kostse, minna istse kül sääl sängi jallutsi päle ja Jurri Ermlin naene tulli sinna sängimannu, sis ma istse tõise sängi päle, ja perrast istse tuhkhaua kiwwi päle, ja es puttu üttegi kaskat ei ka rahha. 

Tunnistaija Johann Nutt ütlep, temmä näggi kui se Johann Pill sinna tulli, ja istse eddimelt sinna sängi päle, kos se rahha ja kask olli, ja perrast istse tõise sängi päle, ent sedda temma es näe kas temma rahha wõt, ehk es wõtta. 

Otsus.

Kui se kohhus Johann Pilli käest kõike wisi küssitellenu olli, ja tedda mitte südlässes es woi panna, nink üttegi tunnistaijat ei olle, es wõi se kohhus middagi südi Johann Pillile panda. 

Pakohtumees Karl Zimmer

kirjutaija GPales