Ette tulli Wastseliina mõtsawalitsuse nimel Johann Moor ja andse ülles, et Warkali Jakob Udras 4 lehma ja 3 lambaga mõisa kassu mõtsa all on kainu, ja palle egga ütte suure elaja pält 1 rubl, ja egga loma pääle 50 kop. s.o. 5 rubl. 50 kop. Mõtsawalitsuse hääs wälja mõista. sedda on mõtsawaht Jaan Wiitkin ülles andnu ja kinni wõtnu.

Jakob Udras oli kutsumise pääle ette tulnu, ja andse selle kaibuse pääle wastuses et minna tämba päiwani sellest mittagi kulnu ei ole, ja ei tija sellest mittagi.

Mõtsawaht Jaan Wiitkin tulli ette ja üttel et se 4 lehma ja 3 lammast mes minna mõisa mõtsa alt kinni wõtsin oli Jakob Udra oma aga perremehele minnol üteldus es saa.

Selle pääle es ütle kohton käija ennamb mittagi ütlemist olewad, sis

Mõisteti

et kinni wõtmise man mõtsa eaht perremehele ei ka kellelgi ütelnu ei ole et selle karja kinni olen wõtnu, sis se mõtsa walitsuse kaibus tuhjas tettu

Se kohto otsus saije kohton käijele ett eloetus ja ärra selletedus.

päkohtomees Johan Konz [allkiri]

kohtomees Jaan Järw [allkiri]

        "           Peter Juk [allkiri]

Kirjotaja: Piirisild