Karl Koch kaibap sin kog. kohtuman, et Karl Rätseppa poig Johann Rätsep, kes temma man karjan käup, nink 9 aastat wanna om, Karl Kochi kirstust minnewa suwwel 23 rubla papper rahha om ärrä warrastanu. nink sedda rahha nüüd selle poiskesse käest taggasi nõuap. 

Johann Rätsep üttel selle kaibusse päle, minna näi et sel kirstul wõtti een olli, ja lätsi wõtti kase wallale nink lõisi ütte kinda sissest 5 papper rahha, nink wõtti ja panni se rahha talli kattusse. Päle rahha wõtmisse eddimetsel pühhapäiwal olli minna karjaga tee weren, ja essa läts sääld mööda, sis ma ütli tälle et mul rahha om, ja temma käsk sedda rahha henda kätte wija, ja üttel et ma kellegi ei tohhi üttelda. Tõisel pühhäpäl wõtti ma se rahha kattussest ja wisi essa kätte. 

Selle poisi kõnne päle sai selle poisi essa käest Ka Rätsep küssitus kas temma sedda rahha om sanu, ent temma ütlep et ta ei olle enda poijaga karjaman kokku sanu, ei olle ka poig tälle sest rahhast middage kõnnelnu, ei ka temma kätte üttegi rahha andnu. Sel pühhäpäl kui poig ütlep henda temma pool käunu ollewat, om kül õige. 

Otsus. 

Johann Rätsep tunnistap essi et temma se rahha säld kirstust om wõtnu, ent selget tunnistust ei sa kohhes temma se rahha om pandnu, sis peap temma essa Karl Rätsep se 23 rubla selle Karl Kochile katte näddäli sissen ärrä masma. Protolli wälja wõtminne sai kohtun käujile teeda antus. 

Päkohtumees Märt Lüüs,

kohtumees Sahker Pik

Jaan Reile

Karl Post.

Rein Hist.