Melliste ö waht Jaan Mähkalla kaebas, et ülle minnewa pühhapäiw õhtul Jürri Akkertaja ete ühte Ahjameest peksnu, ta läinud appi, siis peksnu tedda ka, lönu käest latterna katski. Johan Rattasep olnu allustaja omma welle Mihkliga, Jürri Akkertaja lõppetanu, Johan ja Karl Kibbal olnu sean, Peter Armi tunnistaja.

1. Kaewataw Jürri Akkertaja ei ütte teda, kes tülli teggija ehk latterna katski löja - sääl olliwa palju, Juhhann Hango Jaan Armi.

2. Kaewataw Johan Kibbal, salgas nisamma, et ta ei olla süidi, ei teda ka kes süidi.

1. Tunnistaja Peter Armi tunnistas: minna ollin kõrtsin Ahjamees tulli sisse, üttis minna ennamb wälja ei lähha, warrastagu ehk 2 hobbest minnol ärrä - siis lätsin minna wälja, ja olli jo öö wahhil latterna katski löödu.

Kõrtsimees Karl Luhha kaebas nisamma, et ei ennamb ellada - ne poisi Jürri Akkertaja ja Johan Kibbal, olliwa ne pä süidlase, Ahja mehhi peksiwa, siis lätsiwa üttes ta, nemma Juudile külge kedda minna wälja saatsin, siis tahtsiwa minnole ka anda - Koiksi Johann aitasiwa omma wenna Mihkliga ka Ahjamehhi peksa - Juhann Suurmõts ka süid, kes tulle ärrä kistutanu.

Moisteti: Et Johann Kibbalit, kes ka praegu siin wasta pandis 20 witsa lögiga ja Jürri Akkertaja 15 witsa lögiga trahwi - kunna nemma süidi.

Se otsus sai neile kulutud ja täidetu.

Pä kohtomees Johann Sternwelt

Kohtomees Johann Mäkalla Hendrik Männi

Kirjotaja F. Thal