Werro koggokunna kohtun sel 1. juli 1871.

                              Päkohtumees: Jaan Melz.

                                 Kohtumees: Peter Wahher

                          abbi kohtumees: Michel Nawwi.

Willem Puijemets kaiwas: et minno wannemb. welli Peter Puijemets ai minno päle Jani päiwä erräle ja ei luppa meije warrandussest middägi anda, kui wannast hobbessest pole, ja nüüd om ennamb kui pool suwwe tööd ärrä tettu ja kiik tõuwilli ollema mahha tennu ja nüüd ei olle kost ma töhu lä, ehk kost ma üllespiddamist saa. -

Peter Puijemets wastutas: minna teddä erräle es aja, temma essi läts, ja minnole ei olle ennamb teddä waija, ja jakko tahha minna iks eggastüttest anda mes mull om. -

                   Koggokunna kohhus moist: nemmä peawä seni kui september kuni ütten ollema ja tööd teggemä, ja Peter peap Willemile tööd ja suwä andma sis septembri kull jagga koggokunna kohhus sätüsse perrä neide warrandusse, kui Peter Willemid ütte ei wõtta sis kaegu kuis willem läbbi seni ajani saa. - Peter Puijemets palles prottokolli wälja mes ka anda lubbadi

                                      Päkohtumees: Jaan Melz.

                                       Kohtumees: Peter Wahher

                                  abbi kohtumees: Michel Nawwi.