Olli kirja läbbi kohto ette talliteto Kawilda walla mees Peter Sutt temma olli 11 Aprilli kuul s.A, koggogonna kohto een kaup tenno selle walla koggogonna kohto maja ette nink nimmelt selle süggiseni pidi kattusse alla saama nink tullewa Jürripäiwas üsna walmis. Enne Suwwitse pühha olli Peter Sutt fundament ma sehen erra tenno nink ka lengi puu walmis ragguno. Nimmiteto pühhade poolpäiw küssino walla wannemba käest 17 r. selle ütlemissega et puhhade aigo töörahwast kauplep nink siis warsti tööle tullep ja käsno Lubja manno tuwwa. Jaanipäiwa naddali olli walla poolt 25 wakka Lubja manno toodu, Ent Peter Sutt es olle hennast seniajani näitano.

Nink et ne wallamatse müiri sawwist tettas nink suwwi joba lopman om olli temma sija talliteto ja antis küssimisse pääle wastust selle es tulle minna tööle et teil Lubja man es olle, selle ütlemisse pääle anti wastust et Jaan näddali 25 wakka olli manno wiido nink Moisa lubja ahhi olli ka warsti pääle Jaani erra pallano nii et Lubja pudust ei olle. Nink es olle se temma assi kas sääl Materiali man olli woi es olle kui temma olles töörahwaga manno tullo olles temma wiitmisse päiwa piddano mastus saama.

Moistus

Et Peter Sutt henda kaupeldo tööd ei olle erra tenno nink walla nimmelt palkide mäddanomisse ja erra kaddomisse läbbi kahjo woib tulla massab temma saado 20 R taggasi nink weel 20 R korwale kahjo tassomist. (Peter Sutt olli 3 R kaupateggemisse man käerahha saano)

Es olle selle moistussega rahhul.

Suuremba kohto käiminne saige erraselletetus.

Walla wannemb Jaan Uint

Päkohtomees Andres Tageperra XXX

Abbikohtomees Hans Walgerist XXX

         do Jaan Koch XXX