Nr 24.   Prottokol

Werro koggokunna kohtun sel 19. juli 1871.

                          Päkohtumees: Jaan Melz

                              Kohtumees: Peter Werro

                                           do   : Peter Wahher.

Nõumihhe anni wallawannembale ülles mesperräst se 40. rubl ei sa takkan otsitus, mes Soldan Jaan Zoppale ollewat ant, ja wallawannemb and koggokunna kohtu kätte, / sest ramatun saisap et Soldan Jaan Zoppale om 40 rublit kronu päält tulnu maja teggemisse rahha wälja antu, ja se rahha om perräst Tartuhe ärrä witu kui kutsudi rinderei päle kui maja ei olle walmis tettu, ja om se rahha walla rahhast Tartu Rinterei päle ärrä witu. -

Wanna wallawannemb: Johann Jõperrä sai ette kutsutus ja nõutus kuis se assi om olnu, ja sis selletas, et 1869. astal warrasdeti Korroli tallon hobbene ärrä, soldan Jaan Zopp . olli sääl sõsare man ni kui perremees, sis nõutse seddä rahha mes kronu pält rahha tälle olli tulnu maja tettä, ja temmä nõudse seddä rahha hendäle hobbesse osta ja minna es tahha anda, ja perräst ütli kik kohtumihhe, ja ka mõnni perre-

mestest kui häddast waija sis om waja anda, ja minna anni Jaan Zoppale 40. rubl, ja tõine polamamees Hindrik Nawwi olli käemees man, sis tulli Tartust Kreiskummi jurest kirri et neide atstawkide rahha kel ei olle kätte ant, ja maja ei olle tettu Rinderei päle ärrä sada hoita seni kui neile waija tulle, sis wei minna se Jani Zoppa rahha ka. muide rahhaga Tartuhe ärrä, ja se rahha jäi ike Korroli maja päle massa.

Johann Nawwi kes sääl Korroli majan parreaigu perremees om, nõudas seddä rahha takkan, ent Johann Nawwi ütles et temmä sest rahhast middägi  ei tijä, ja ütles kui ta om Jaan Zoppale om antu, ja enne ei olle kunnagi minno käest nõutu Kui Jaan Zopp ärrä koli sis weel pool-

tõist aasta perran temmä koolmist, woip olla ehk om Jaan Zopp. Johann Joperrale jo ärrä masnu kui ta ka wõtnu olli. -

Hindrik Nawwi kes sääl käemees olli wastutas: minna olli man kui Johann Jõperrä and  40. rubl Jaan Zoppale seddä temmä omma kronu päält tulnu rahha 

Koggokunna kohhus moist: et se Korroli maja peap se 40. rubl masma selleperräst et se Jaan Zopp om sääl Korroli majan holekandja ehk tallidaja olnu ja jotik ei olle ka olnu et olles sennä se rahha wast madnu, ja temma kik maja asja tallidanu.

10. rubl oma sel 11. dezembril 1872 Johan Nawwi ärrä masnu. -

30. rubl sel 24. oktober 1875. Johan Nawwi ärrä masnu ni et ennamb selle asja ülle teggemist ei olle, ja om tasa. Päkohtumees J. Melz.