Spankau d 27l Nowbr 1870

Man olliwa: Peäkohtomes Jacob Kalberg

Manistja Jürri Sokka

dito Endrik Kotkas

Ette tulli Johan Tido ja andis Koggokona kohtole ette, et temma oma Welle Endrikoga seddawisi tahab ärra Leppi, nink lubbas omma welle Endrikole temma ossajaggo kätte nimmelt 1 Märra hobbune, 1 werrew Lehm, 3 lamast, ja 1 astane Sigga. -  ja selle 100 rubla ossajao rahha est annab Johan Tido oma welle Endrikole eggast nurmest kolme wakamaa maad sedda wisi, et 1 wak keskp. 1 w ja tagast nurmeotsast 1 wakama koko kolme wakol kümnes astas sis ei olle Endrikol sadda rubla nõudmist. hainamaad saab üts asta Tiggase nurme alt pool ja tõine asta wähamb pool Jõewere haina matük, 1 wastsemb weo wanger ja hobuse ristat ni et hobuse woip ette panda,

Johan peäb, Endriko ellajat nisama ka hobbune kewwadeni ülle piddama oma ellajiteka ütten, nink Endrik ei tohi ka omale lubatut hobust keelda kui Johanil wast mõni kõrd tarwis om, kewwad wõttab omma krami ärra. Nink Johan peäb korro maijan ellada laskma küme astat läbbi. Korwoliste laut saab Endrikule oma ellajite tar.

Selle peäle wastas Endrik Tido, et tema Selle leppimissega rahule om.

otsus

Et Johan ja Endrik Tido selle eensaiswa Leppinko rahul omewa mõllemba, nink tunistawa om käe ja risti alla kirjotamissega.

Johan Tido XXX

Endrik Tido XXX

Peäkohtomes: Jacob Kalberg XXX

Manistja Jürri Sokka XXX

dito Endrik Kotkas XXX

d 25 Mai 1871 Copia dn Joh Tido

d. 12 Nowemb 1874 copia den Hendrik Tido ertheilt.