Werro koggokunna kohtun sel 15 nowember 1871.

                          Päkohtumees: Jaan Melz.

                           Kohtumees: Peter Werro.

                           Kohtumees: Peter Wahher.

Michel Wõrr kaiwas: minnol om Jaan Mõtshärä kaest 12. rubl sada, seddä rahha mes minno poig temma man rõiwast piddi kui ta temmä man sullassen olli, ja leppitu olli et Jaan piddi kiik allomatse rõiwa andma ja päälmänne rõiwas om Hindrikil omma ent ei olle muud sanu, kui suwwel sammid. -

Jaan Metshärg wastutas: Minna olle temmäle kik rõiwa andnu allomatse, ja üts paar pukse ja 1. paar sabid om Hindrik ärrä winu ja 1. lamme ja üts kruwi wõtti om temmä ärrä winu

Michel Wõrr ütles et ne püksi ja saba omma taggasi widu,

Michel Lehter tunnistas: ennamb ei tijä kui rõiwa olli säljän, kes nee rõiwa and ei tijä, muud kui 1. paar pükse minga Hindrik Wõrr tulli piddi saal ärrä. -

Rein Anton tunnistas: muud ei tijä rõiwa olli säljän. Kes na andnu ei tijä 1. paar pukse minga Hindrik tulli olli temmäl pühhäpäiw jallan.-

Koggokunna kohhus moist: nemmä ei sa kumbkummagi käest middägi tooperräst et 1. paar pükse om Hindrik sääl kül ärrä piddanu et Hindrik om hamme, püksi, saba, ehk rõiwa ärrä winu sis om arwata et temmal perremihhe rõiwa omm olnu. -

                        Päkohtumees: Jaan Melz

                          Kohtumees: Peter Werro

                          Kohtumees: Peter Wahher

                                            Kirjotaja P Zopp