Dawit Gottlep kaibap sin kog. kohtuman, et Peter Wung om temma käest 50 Rubla hõb. wõlgu wõtnu, nink süggise Katri päiwan ärrä lubbanu massa, ja nüüd ütlep et tal temmaga middagi teggemist ei olle. 

Peter Wung wastut selle kaibusse päle, et Dawit Gottlep nink Karl Harrak om tedda ennegi sinna tunnistaijas kutsnuwa, kui Dawit Gottlep se 50 Rubla Karl Harrakele om wõlgu andnu, ja temma om sedda rahha ka kaenu, kas ta õigus rahha om, selle et ta üts 50 rublaline papper om olnu. Peter Wung annap tunnistaijas Karl Lazarusse, kes ka /ütlep/ kuulu om kui Dawit Gottlep Karl Harrake käest ütte küllimit alla linna maad om otusses kaupelnu, nink ka sanu om. 

Karl Harrak sai ette kutsutus, ja temma üttel et temma Dawit Gottlepile se 50 rubla wõlgu, selle et ta se rahha Dawit Gottlebi käest om wõtnu, nink Peter Wungi tunnistaijas kutsnu, selle et nemma suggulasse omma. 

Tunnistaija Karl Lazarus ütlep, meije ollime Karl Harrake pool wõrussen, ja Karl Harrak nakkas Dawit Gottlebi käest rahha nõudma, se päle üttel Karl Harrak minna annan kül sulle 50 rubla, agga sa peat Katri päiwan se rahha mulle taggasi masma, kui sa rahha ei jõwwa massa, sis sawa su linna mulle. Selle rahha otusses lubbas Karl Harrak Dawit Gottlepile ütte küllimit alla linna maad, mes Dawit om jo kätte sanu. Peter Wung olli ka selle leppingu man tunnistaija. 

Moistetu. Neide ülles antu tunnistuiste päle, peap Karl Harrak se 50 rubla Dawit Gottlepile ütsinda massa, ja ei olle (:Kar:) Peter Wungil temmaga middagi teggemist. 

Päkohtumees Märt Lüüs XXX

Sahker Pik XXX

D. Karl Post XXX

Rein Hist XXX

Jaan Reile XXX