Kaddunu soldan Ado Lella naene Ann Lell kaibap sin kog. kohtuman, et temma kaddunu mehhe rahha 54 rubla 10 kopka temma welle Johann Lella kätte ütte wõlla tähhe läbbi, Walka kaupmees Lamperti käest om sanu, ja nüüd Johann Lell tälle sedda rahha ärrä ei tahha massa.
Johann Lell wastut selle kaibusse päle, et temma linnu om welle Ado Lella kätte 2 kalu müwwa sanu, mes Ado Lell 138 rubla eest om Walka ärrä müünu, ja Johann Lell selle katte kalu linnu wasta Ado Lella käest ütte wõlla tähhe om sanu, kellega temma Walka kaupmees Lamperti käest 154 rubla 10 kopka om wälja mastus sanu. Selle 154 rubla 10 kopka mant arwap Johann Lell enda 138 rubla mahha, ja ütlep Ann Lella ommas 16 rubla 10 kopka; ja annap tunnistaijas Ott Mürki nink Karl Korneli.
Ott Mürk sai ette kutsutus, ja temma sellet, et temma om Kerna pool olnu, kui Ado Lell ja Johann Lell om henda wahhel rahha ülle selletust piddanuwa, ja mõllemba welle om üttelnuwa, et selle 154 rubla 10 kopkalisse wõlla tähhe päle, Ado Lella rahha 54 rubla 10 kopka, ja Johann Lella rahha 100 rubla jääb.
Karl Kornel üttel, temma om kerna pool olnu, kui Ott Mürk ka sääl om olnu, ent ei olle muud kulnu, kui ne kats welle om henda wahhel kõnnelnuwa, et Johann Lellal neide 2 kalu linnu man, wast 2 rubla kahju om sanu.
Moistetu:
Selle et neide katte welle selletuiste man üts selge tunnistus om, et selle wõlla tähhe päle 54 rubla 10 kopka Ado jaos om jänu, nink 100 rubla Johani jaos; ja Johann Lell essi päkohtumees Märt Lüüsi kulden Ann Lellale om üttelnu, et selle Walka tähhe pääl Ado rahha 54 rubla 10 kopka om; sis peap Johann Lell se 54 rubla nink 10 kopka Ado Lella perrantaijile wälja masma.
Päkohtumees Märt Lüüs
kohtumees Karl Post
Sahker Pik
Rein Hist
Jaan Reile.
Kaddunu soldan Ado Lella naene Ann Lell kaibap sin kog. kohtuman, et temma kaddunu mehhe rahha 54 rubla 10 kopka temma welle Johann Lella kätte ütte wõlla tähhe läbbi, Walka kaupmees Lamperti käest om sanu, ja nüüd Johann Lell tälle sedda rahha ärrä ei tahha massa.
Johann Lell wastut selle kaibusse päle, et temma linnu om welle Ado Lella kätte 2 kalu müwwa sanu, mes Ado Lell 138 rubla eest om Walka ärrä müünu, ja Johann Lell selle katte kalu linnu wasta Ado Lella käest ütte wõlla tähhe om sanu, kellega temma Walka kaupmees Lamperti käest 154 rubla 10 kopka om wälja mastus sanu. Selle 154 rubla 10 kopka mant arwap Johann Lell enda 138 rubla mahha, ja ütlep Ann Lella ommas 16 rubla 10 kopka; ja annap tunnistaijas Ott Mürki nink Karl Korneli.
Ott Mürk sai ette kutsutus, ja temma sellet, et temma om Kerna pool olnu, kui Ado Lell ja Johann Lell om henda wahhel rahha ülle selletust piddanuwa, ja mõllemba welle om üttelnuwa, et selle 154 rubla 10 kopkalisse wõlla tähhe päle, Ado Lella rahha 54 rubla 10 kopka, ja Johann Lella rahha 100 rubla jääb.
Karl Kornel üttel, temma om kerna pool olnu, kui Ott Mürk ka sääl om olnu, ent ei olle muud kulnu, kui ne kats welle om henda wahhel kõnnelnuwa, et Johann Lellal neide 2 kalu linnu man, wast 2 rubla kahju om sanu.
Moistetu:
Selle et neide katte welle selletuiste man üts selge tunnistus om, et selle wõlla tähhe päle 54 rubla 10 kopka Ado jaos om jänu, nink 100 rubla Johani jaos; ja Johann Lell essi päkohtumees Märt Lüüsi kulden Ann Lellale om üttelnu, et selle Walka tähhe pääl Ado rahha 54 rubla 10 kopka om; sis peap Johann Lell se 54 rubla nink 10 kopka Ado Lella perrantaijile wälja masma.
Päkohtumees Märt Lüüs
kohtumees Karl Post
Sahker Pik
Rein Hist
Jaan Reile.
