Ette tulliwa Adam ja Mihkel Juur nink kaibsi omma welle Johann Jure päle, et se näide kaddoma esast ja emast perra jänu warrandust ärra ei selleta nink näile omma perranduse jaggo wälja ärra ei anna, ja nimelt om perra jänu: 150 rubla puhast raha, mis selle rendi mõisa eest kautsionis sisse olnu mastu, 4 hobbest, 200 rubla mes Wastselina õpetaja herra käen hoita olnu, 3 putelje wankri, 2 lammast, 3 suurt ja 4 wäikest zigga, 3 regge, 4 atra, 1 kask, 1 laud, kelle man ka näil weel üts allaealine neljas welli Gustaw Juur perrandaja om, palwiwa et näile oma perranduse jaggo kätte saas.

Johann Juur saije selle päle ette kutstus and een saiswa kaibuse päle wastust, et se 200 rubla om kaddona ema perran esa surma opetaja herra käest wälja ärra wõtnu nink sedda esi ärra kullutanu, ent se 150 rubla kautsioni raha om Wastselina mõisa walitsus hennele sisse kinnitanu, sest et näide kaddona esal 8 mõisa lehmä pudus olnu.

Se ulles antu kraam saije ärra takseritus mes ülle kige 362 rubla wälja teggi.

Selle päle es ütle kohtun käija ennamb middagi ütlemist ollewat, sis

Mõisteti

et Johann Juur peap sellest esa ja emma warrandusest wrwatu 362 rubla egga omma wellele, se om Adam, Mihkel ja Gustaw Jurele 53 rubla edimene puul sel 1 Septembril 1881 ja tõõne puul sel 1 Septembril 1882 aastal wälja ärra masma. - maha arwatu 150 rubla kautsioni raha.

Se kohtu otsus saije kohtun käijele kulutetus ja tallo rahwa säduse ramatust 1860 aastast  § 773, 774 perra ärra selletedus ja § 881 perra opus leht wälja antus.

päkohtomees Jaan Wärs [allkiri]

kohtomees Jaan Ruus [allkiri]

     "              Jaan Hallop [allkiri]

Kirjotj. J.Kirrop