Peter Ots kaiwas: minna leppe Judi Blumbergi käest Konna moisa ma üttes ajastajas polleterrä päle tetta, sis I es anna Blumberg minnole talli ellajide panda, II es anna minnole aita seemne panda. -

III  et temma es anna mulle katla assend kos minna olles keednu. 

IV  et temmä minno naist ähwardand pussiga maha laske. -

Blumberg wastutas: kui temmä sennä tulli sis I  anni minna temmäle talli assemele, rehhe ja rehhealotse kos temma omma ellaja ja hobbesse pand. - 

II  anni minna temmale 2. aita kon temma kraam olli

III  anni minna tennäle katla sennä kon parrehela minno katla omma ja kededas. -

IV  temma naine lask ommil ziol minno aija wiljä ärrä süwwä sis minna ütli kui sinna zikko ei hoija sis minna lasse ne zia pussiga maha. -

tunistaja: Michel Jõggewa tunnistas: minna osti Peter Otsa welle käest wiljä, sis anti mulle Konna moisa aitast muud minna ei tijä. -

Joseph Zirk tunnistas: I  Peter Otsal kes olli rehhen ja rehhe all too olli ni samma hä kui tall ki

II  temmä kraam olli aitan ja tõlla howin. -

III  temmä keed säälsamman alla tarren kon kedetäs.

IV  Peter Ots naine es hoija zikko lask kik aija wiljä ärrä süwwä sis üttel Blumberg kui sinna ommi zikko ei hoija sis minna lasse ne zia pussika maha. -

Ants Sepmann tunnistas: minna kuli kui Blumberg üttel kui sinna zikko ei hoija, sis minna lasse pussika maha, 

Blumberg nõud omma kahjo 350 rubl too eest et Peter Ots enne leppitu aigu ärrä läts ja se moisa ma teggemisse mann kallimba masnu kui olles ennemb sanu kaupa tettä. -

Koggokunna kohhus moist: et Peter Ots ja Blumberg ei sa kumb kummagi käest middägi too perräst, et kui Peter Ots ärrä läts Blumbergi mant tei nemmä Päkohtumihhe man leppingu, et neil ennamb kumb kummagi käest ei olle middägi sada ja Peter Ots kaot omma kewwä-

jätse töö sis lask Blumberg rahhuga minnä. -

Moistminne kulutet sel 21. webruar 1872

                                Päkohtumees: Jaan Melz

                                Kohtumees  Peter Werro

                                            do      Peter Wahher

Peter Ots kulutas et temma selle moistmissega rahhul ei olle palles prottokolli wäljä mes ka anda lubbadi.     sel 6. marzil 1872

                                   Päkohtumees: Jaan Melz

                                   Kohtumees: Peter Werro

                                   Kohtumees: Peter Wahher

Se prottokoll waljä antu sel 6. marz 1872.

                                                                            Kirjotaja P Zopp