Hindrik Musta naine Liis tulli lubba päle ette, nink kaibab et temma essa Johann Pabuti naine Leno - kes neide pool saunan ellawa - temmaga sukkugi rahhul ei sünni ellama ni kui ta seni, et kül temma ja ta mees neid hä melega omma juren piddada tahtas. Ta pallub neid mannitseda nink saunast kes sissen on, tarre mannu ellama käske minna.

Pabuta Johann ja naine Leno wastassid küssimisse päle, et se tülli sest sadik allustonu - kui se naine Leno sel kewwadel nõrga mele sisse jänu, ja ka et temma poolt mitte ütsinda se ei sündinu. Nemma lubbawa ka saunast wälja minna - kui nemma ennegi jälle talwest sinna taggasi lubbatas.

Moisteti: Et neil üts töisega se körd ärrä leppida nink kiik wanna wihha ärrä unnetada on ja et nemma saunast toa mannu warsti ellama minnema peawa.

Se otsus sai kohto käujile kulutedus, mis päle nemma ka üts töisega ärrä lepsiwa, sel moidul, et sest päiwast sani ka Leno Pabuta lehm sääl woib olla, kes nüüd muijal asset peab.

Pä kohtomees Gusta Lühde XXX

kohtomees Jaan Serg XXX

wöörmünder Jaan Songisep XXX

F. Thal, <allkiri> Kirjotaja