Werro moisa rentnik Jaan Metshärg tulli sija koggokunna kohtu ette ja kaiwas: minna lätsi sel 26. septembril homminkult omma sullasega hobbeste mant koddo ja wei omma ütte hobbese ka koddo  ja se tõine Werro moisa rentnik Michel Lehtel olli takkan lännu ja wõtnu minno nore hobbese kin(n)i ja andnu sullaste kätte ja lasknu adra ette panda kellega minna weel essiki kündnu ei olle ja temma and minno nore hobbese liggetat ja rassetat maad kündä ilma minno teedmalda, sis ütli minna Michlele mes sa minno hobbese sullaste kätte ollet andnu

sullase woiwa minno hobbese ärra tappa ja minna lubbasi omma hobbest ärra tuwwa, sis ähward Michel Lehtel minno no kui sa hobbest lääd toma sis ma lasse sinno ülle lüwwa, sis lätsi minna mõtsa ja ütli temmä sullasele Petrele, oda minna pästä omma hobbese wallale ja wi ärra koddo, ja Peter Sillaots piddi hobbese kinni, sis naksi minna hobbest wallale pästma, sis tulli Michel Lehtel takkan ja üttel poisi kas tee hobbese ärra last wija.