Katri Treymuthi kaibusse asjan selle Anzmõisa Tallomehhe Tawit Mendiko wasto, kelle ülle siit koggokonna kohto Protokoll sest 20mast Webruarist 1868 No. 42 kihhelkonna kohto olli sadetu, sai tämbatsel päiwal kihhelkonna kohto kässu pääl neide allan üllespantu, Katrist üllesantu Tunnistajate käest nõwwetus:

1. Martha Mendik tunnistas mitme nõudmisse päle, et temma Tawita koon maggamissest Katriga mitte middagi ei tija üttelda, temma ei olle sedda kunnagi nännu; agga sedda temma kül teap, et muu wõra külla poisi kewwajal sääl omma käinu. 

2. Soldat Juk Joap tunnistas nenda samma, et temma sest koon maggamissest middagi ei tija, ent ütles ka weel, et tütruku Katri Emma temmale jalla waiwa om lubbanu anda, kui temma neide pole tunnistasi.

3. Els Raggol tunnistas, et temma kül üttel ööl keskmitsel risti päiwal Puusmõtsa majan käinu Särgi rõiwast wannutaman, agga ei olle nännu, et Katri Tawitaga sõprust om piddanu. 

Selle, et nüüd need Tunnistajat, mes Katri Treijmuth henda poolt olli üllesandnu selle Protokolli perra middagi selle asja ülle ei tija üttelda, sai koggokonna kohto poolt Mõistetu: et se otsus, mis selle asjan siit kohto poolt selle Protokollin sest 20mast Webruarist 1868 No. 42 al om mõistetu, kindmas jääp, ja Katri middagi selle poisi Tawit Mendiko käest nõuda ei wõi. 

Pä kohtomees Märt Lüüs

Abbi kohtomees Rein Hist 

Abbi kohtomees Sahkri Pik

Abbi kohtomees Karl Post