Tütruk Mina Treijmuth kaibas, et se Anzmõisa mees Peter Pillmann temmaga lihhalikkult ümber om käinu ja tunnistas selle päle Peter Pillmannit henda latse Issas. 

Peter Pillmann sai nüüd kohto ette kutsutus ja wastutas küssimisse päle, et temmal kunnagi selle tütrukuga teggemist ei olle olnu ja temma selle perrast ka selle latse Issa ei olle. 

Selle, et Mina Treijmuth üttegi tunnistust ülles anda es woi, sai Tallorahwa Sädusse §948 perra Mõistetus: Et Peter Pillmannit selle Latse Issas ei woi nimmitada. Se otsus sai Minale kuulutedus ja temmale ka ütteldus, et kui ta sellega rahhul ei tahha olla, temmal õigus om, selle asja ülle surembat kohhut käija, sedda peap temma agga kõige ildamast kattesa päiwa seen siin ülles andma ja Protokolli wälja wõtma, kui temma sedda selle aja seen ei tee, sis jääp se otsus kindmas ja kaotap temma õigust, surembat kohhut käija. 

Pä kohtomees Märt Lüüs

Abbi kohtomees Rein Hist

Abbi kohtomees Sahkri Pik

Abbi kohtomees Karl Post