Johann Kallion kaibas et Ado Lann sel 22mal Märtsil poolpäiwa õddankult om tülli tenno, nink Johann Kallion om tülli püüdnu waikistada, selle päle om Ado Lann, Johann Kallioni hiustest kinni wõtnu, nink ei olle enne kässi hiustest wallale lasknu, kui mu innemisse appi tullewa. Ado Lann wahhetas Linnärt Ragguliga sapa, ja Ado Lann lubbas 25 Koppikat päle massa, ja üts korter wiina likus.
Ado Lann astse ette, ütles Johann Kallioni kaibusse kik wõlsi ollewat. Ado ütles et temma selle perrast sedda päälmest rahha ei olle ärra massnu Linnärtile, ent muidoki se assi kohto ette peap tullema; minna Johhanit ei olle muido putnu, kui enne ollast kinni wõtnu, et Johhan minno Kübbärä pääst ärra wõtse; selle päle nakkas Johhan appi kutsma kiki maja rahwast; Johhanil om wihha minnoga jo Märti päiwast sani, et minna ütte wäist temma pöra peal terrawas teije.
1. Tunnistaja Rein Sippul astus ette nink ütles: Ado Lann wahhetas Linnärt Ragguliga sapit, nink Ado Lann lubbas 40 Koppikat rahha päle massa, nink Linnärt piddi üts korter wiina likus ostma, mes Linnärt ka andse, nink Ado piddi tõise korteri wiina likus ostma, Ado es osta wiina, nink es massa ka Linnärtile sedda päle lubbatu rahha ärrä. Selle päle ütles kõrtsimees Johann: Ado, kui sinna liku ja päälmest rahha ei tahha ärrä massa, sis tahhat sinna warga ehk risumisse kombel sapit ärra wija; selle päle läts Johhan Ado mannu, ja kergitas kübbarat Ado pään; nink Ado kargas penki päält ülles ja wõtse katte käega Johhani hiustest kinni, nink es lasse enne wallale, kui Peter Küppar ja Linnärt Raggul Ado käe Johhani hiusist wälja kisksiwa, nink Mihkli Markwart Ado kätte päle jo paar kõrd russikuga leije.
2. Tunnistaja Peter Küppär tunnist nida samute kui Rein Sippul tunnistas.
3. Tunnistaja Linnärt Raggul tunnist nida samute kui Rein Sippul tunnistas.
Ado Lann andse ommast poolt tunnistajas ülles:
Tawit Wärnik.
Peter Wärnik.
Mihkli Libert.
Pää-kohtomees Märt Lüüs XXX
Abbi kohtomees Karl Post XXX
" " Rein Hist XXX
" " Sahkri Pik XXX
Sel 8mal Aprilil 1869.
Ado Lann andse kohto een ülles, et sel minnewal kohto päiwal, Pää-kohtomees Märt Lüüs ütte Tunnistajale om nõwwo andnu wõls tunnistust anda, sedda om Märt Lüüs koggokonna kohto een Peter Kübbarale üttelnu: hukka lät, tunnista ni kui to tunnist; ja kõnnela õiget, kõnnela nida et Ado Lann annap 20 Koppikat rahha ja ostap 2 Korteri wiina:
Wallawannemb Märt Tedder om üttelnu, ent kui sinna omma süda ärra tunnistat sis saap sinno trahw kergemb ollema, kõnnela nida et sinna Pisso kõrtsimeest es kakku, ennegi temma hiusit näppuka ollit likutano.
4. Tunnistaja Mihkel Markwart tunnist et Ado Lann lubbas Linnärt Raggulile 30 Koppikat sapa wahhetusse man päle anda; Linnärt Raggul olles üts korter wiina, ja Ado Lann üts korter wiina piddanu ostma, nida et Ado Lannal olles tulnu sapaste wahhetusse päle 40 Koppikat rahha massa. Linnärt laskse üts korter wiina wälja kallata ilma rahha massmata; selle päle wõtse kõrtsimees wiina taggasi; sapa olli neil enne jo ärra wahhetedu; Ado Lann es anna päle lubbatut rahha, es anna ka Sapit ennamb taggasi, ent nakkas Linnärtiga kaklema; sis ütles kõrtsimees Adole, anna sapa taggasi ja minke kõrtsist wälja. Ado es anna sapit taggasi, ja es lähhä ka kõrtsist wälja. Johhan Kallion läts Adole mannu ja üttel: sinna neid sapit sist warrasta ei sa, ent anna nemma kätte; nink likutas Ado kübbarat; selle päle kargas Ado Lann ülles, nink wõtse katte käega kõrtsimees Johanni hiustest kinni nink tõmbas hiust piddi kõrtsimehhe pä omma rinna wasta. ajal kui kõrtsimehhe pä Ado käen olli, püüdse Linnärt Raggul, Peter Küppar ja Rein Sippul hä tük aega kässi wallale tetta, ent Ado es lasse wallale, sis lätsi minna (tunnistaja Mihkel Markwart) manno, ja panni omma käe Ado kätte päle, ja ütli: Ado lasse käe Johhani hiussist wallale, mis päle temma ka wallale lask. Ado Lanna welli Rein om selle päle üttelnu: enne kui teije Ado käest õigust saat omma teil seni mõnnel sõrra (Klauen) likku pantu.
5. Tunnistaja Tawit Wärnik tunnist et temma selle sapa wahhetamisse man om olnu nink tunnistap nida sammute kui Mihkli Markwart om tunnistanu.
6. Tunnistaja Mihkel Libert tunnist nida sammute kui Mihkel Markwart ja ka Tawit Wärnik om tunnistano.
Otsus.
Ado Lann om kuwwe tunnistaja tunnistusse perrä süüdallotses leutu. Mõistetus sai: Ado Lann massap waeste ladiku kuus Rubla hõbbedat trahwi, nink kolm Rubla hõbbedat kõrtsimees Johhan Kallionile wallo rahha, nink 30 Koppikat sapa wahhetusse rahha Linnärt Raggulile.
Kohto käüjelle om kulutedu: Kes selle kohto otsussega rahhul ei olle, nink tahhap surembat kohhut käwwa, peawa kige ildamb kattessa päiwa sissen perran selle kohto otsusse kulutamist, omma tahtmist teeda andma.
Johhan Kallion, nink Ado Lann tahhawa surembat kohhut pallelda, ja om neile ka se lubbakirri antu.
Pää-kohtomees Märt Lüüs XXX
Kohtomees Rein Hist XXX
" Jaan Reiljan XXX
Abbi-kohtomees Wärdi Wallner XXX
Johann Kallion kaibas et Ado Lann sel 22mal Märtsil poolpäiwa õddankult om tülli tenno, nink Johann Kallion om tülli püüdnu waikistada, selle päle om Ado Lann, Johann Kallioni hiustest kinni wõtnu, nink ei olle enne kässi hiustest wallale lasknu, kui mu innemisse appi tullewa. Ado Lann wahhetas Linnärt Ragguliga sapa, ja Ado Lann lubbas 25 Koppikat päle massa, ja üts korter wiina likus.
Ado Lann astse ette, ütles Johann Kallioni kaibusse kik wõlsi ollewat. Ado ütles et temma selle perrast sedda päälmest rahha ei olle ärra massnu Linnärtile, ent muidoki se assi kohto ette peap tullema; minna Johhanit ei olle muido putnu, kui enne ollast kinni wõtnu, et Johhan minno Kübbärä pääst ärra wõtse; selle päle nakkas Johhan appi kutsma kiki maja rahwast; Johhanil om wihha minnoga jo Märti päiwast sani, et minna ütte wäist temma pöra peal terrawas teije.
1. Tunnistaja Rein Sippul astus ette nink ütles: Ado Lann wahhetas Linnärt Ragguliga sapit, nink Ado Lann lubbas 40 Koppikat rahha päle massa, nink Linnärt piddi üts korter wiina likus ostma, mes Linnärt ka andse, nink Ado piddi tõise korteri wiina likus ostma, Ado es osta wiina, nink es massa ka Linnärtile sedda päle lubbatu rahha ärrä. Selle päle ütles kõrtsimees Johann: Ado, kui sinna liku ja päälmest rahha ei tahha ärrä massa, sis tahhat sinna warga ehk risumisse kombel sapit ärra wija; selle päle läts Johhan Ado mannu, ja kergitas kübbarat Ado pään; nink Ado kargas penki päält ülles ja wõtse katte käega Johhani hiustest kinni, nink es lasse enne wallale, kui Peter Küppar ja Linnärt Raggul Ado käe Johhani hiusist wälja kisksiwa, nink Mihkli Markwart Ado kätte päle jo paar kõrd russikuga leije.
2. Tunnistaja Peter Küppär tunnist nida samute kui Rein Sippul tunnistas.
3. Tunnistaja Linnärt Raggul tunnist nida samute kui Rein Sippul tunnistas.
Ado Lann andse ommast poolt tunnistajas ülles:
Tawit Wärnik.
Peter Wärnik.
Mihkli Libert.
Pää-kohtomees Märt Lüüs XXX
Abbi kohtomees Karl Post XXX
" " Rein Hist XXX
" " Sahkri Pik XXX
Sel 8mal Aprilil 1869.
Ado Lann andse kohto een ülles, et sel minnewal kohto päiwal, Pää-kohtomees Märt Lüüs ütte Tunnistajale om nõwwo andnu wõls tunnistust anda, sedda om Märt Lüüs koggokonna kohto een Peter Kübbarale üttelnu: hukka lät, tunnista ni kui to tunnist; ja kõnnela õiget, kõnnela nida et Ado Lann annap 20 Koppikat rahha ja ostap 2 Korteri wiina:
Wallawannemb Märt Tedder om üttelnu, ent kui sinna omma süda ärra tunnistat sis saap sinno trahw kergemb ollema, kõnnela nida et sinna Pisso kõrtsimeest es kakku, ennegi temma hiusit näppuka ollit likutano.
4. Tunnistaja Mihkel Markwart tunnist et Ado Lann lubbas Linnärt Raggulile 30 Koppikat sapa wahhetusse man päle anda; Linnärt Raggul olles üts korter wiina, ja Ado Lann üts korter wiina piddanu ostma, nida et Ado Lannal olles tulnu sapaste wahhetusse päle 40 Koppikat rahha massa. Linnärt laskse üts korter wiina wälja kallata ilma rahha massmata; selle päle wõtse kõrtsimees wiina taggasi; sapa olli neil enne jo ärra wahhetedu; Ado Lann es anna päle lubbatut rahha, es anna ka Sapit ennamb taggasi, ent nakkas Linnärtiga kaklema; sis ütles kõrtsimees Adole, anna sapa taggasi ja minke kõrtsist wälja. Ado es anna sapit taggasi, ja es lähhä ka kõrtsist wälja. Johhan Kallion läts Adole mannu ja üttel: sinna neid sapit sist warrasta ei sa, ent anna nemma kätte; nink likutas Ado kübbarat; selle päle kargas Ado Lann ülles, nink wõtse katte käega kõrtsimees Johanni hiustest kinni nink tõmbas hiust piddi kõrtsimehhe pä omma rinna wasta. ajal kui kõrtsimehhe pä Ado käen olli, püüdse Linnärt Raggul, Peter Küppar ja Rein Sippul hä tük aega kässi wallale tetta, ent Ado es lasse wallale, sis lätsi minna (tunnistaja Mihkel Markwart) manno, ja panni omma käe Ado kätte päle, ja ütli: Ado lasse käe Johhani hiussist wallale, mis päle temma ka wallale lask. Ado Lanna welli Rein om selle päle üttelnu: enne kui teije Ado käest õigust saat omma teil seni mõnnel sõrra (Klauen) likku pantu.
5. Tunnistaja Tawit Wärnik tunnist et temma selle sapa wahhetamisse man om olnu nink tunnistap nida sammute kui Mihkli Markwart om tunnistanu.
6. Tunnistaja Mihkel Libert tunnist nida sammute kui Mihkel Markwart ja ka Tawit Wärnik om tunnistano.
Otsus.
Ado Lann om kuwwe tunnistaja tunnistusse perrä süüdallotses leutu. Mõistetus sai: Ado Lann massap waeste ladiku kuus Rubla hõbbedat trahwi, nink kolm Rubla hõbbedat kõrtsimees Johhan Kallionile wallo rahha, nink 30 Koppikat sapa wahhetusse rahha Linnärt Raggulile.
Kohto käüjelle om kulutedu: Kes selle kohto otsussega rahhul ei olle, nink tahhap surembat kohhut käwwa, peawa kige ildamb kattessa päiwa sissen perran selle kohto otsusse kulutamist, omma tahtmist teeda andma.
Johhan Kallion, nink Ado Lann tahhawa surembat kohhut pallelda, ja om neile ka se lubbakirri antu.
Pää-kohtomees Märt Lüüs XXX
Kohtomees Rein Hist XXX
" Jaan Reiljan XXX
Abbi-kohtomees Wärdi Wallner XXX
