Werro walla koggokunna kohtun sel 29. mai  1872.

                         Päkohtumees: Jaan Melz.

                          Kohtumee: Peter Werro

               abbi kohtumees: Michel Nawwi

Michel Rächm kaiwas: Michel Kõiwsaar ja Ado Rinne tulli sennä  Naksi maija töhü, ja küsse mino käest aida wõttind, ja minna es anna sis murri se aida usse maha ja lätsi sisse se ait olli tühhi ja neil muud asja sennä es olle kui sei sääl aitan, ja kolmandal ööl olli warras sest aitast ülle saina tõiste aita lännu, ja minno kasti mõtsa winu ja ja ärrä lahknu, sääl kastin olli, selget rahha  -              -  32. rubl

7.se kaska nahka mes wäärd olli                         -                                       -                        -               -                                7.  -

katte hamme essa rõiwast                                -                                                   -                                             -                  2.   -

Kast mes ärrä lahhoti om wärd                            -                                       -                                                               -        4.  -  40 kop

                                                                                                                                                                             --------------------------------------

                                                                                                                                                                       Summa              45. r.  40 kop.

Michel Kõiwsaar ja Ado Rinne wastudase: mee küll wõtti omma aita usse walla temmä es anna meile aida wõttind, selle too olli meil omma ait, ni kui meil omma maa ki, ja woise om(m)a ust walla jättä wai kinni panda kui Michel Rächm tege et temmä rahha ja kraam olli aitan kon ennamb kinnitust es olle sis woise temma ka ärrä wotta, ehk woise käske mõnnel sõbbral öse seddä krami mõtsa wijä, ehk kost temma ni paljo rahha sis saiki. -

Wallawannemb om ülle kaenu et se Michel Rächmä ladik olli mõtsa widu ja ärrä lahhot. -

                        Moistet: Ado Rinne ja Michel Kõiwsaar, 1. ööspäiwäs türmi milles nemmä aita -usse wallale sis ilma 

                                        kohtu säädüsseda wõtti kui temmä wottind es anna, se warkusse perräst ei woi middägi 

                                        moista, sest Michel Rächm woise ka omma kraami parrembahe hoita ja es tohhi ka 

                                        peremihele wõttind keeldä kui ta kusse. -