Liso Wahher kaiwas ütte Waimela walla mihhe Johann Rikkandi päle, et ta teddä om ärrä narrinu, nink lubbanu teddä ärrä wõtta, ja nüüd om poig sündinu, ja nõud temmä Johani käest latse kaswadamisses 100. rubla, mes Johann Rikkand ollewat perrämatse narrimisse man lubbanu. 

Waimela wallast Johann Rikkand sai ette kutsutus ja nõutus kasse assi ni totte om, Johann Rikkand wabbandas et temmä ei olle selle Liso Wahheri külge omma kätki pandnu, ei ka teddä narrinu, ei olle ka temmäle middagi lubbanu. -

Tunnistajat keddagi sääl ei olle leidä. -

Moistet: Johann Rikkand peap Liso Wahherile poja kaswadamisses 100. rubla masma, ni et egga asta 10 rubla massa tulle, ni kawwa kui pois 10ne asta wannas saap.