Zoppa küllä perremihhe kaipsi: et meije ei lasse muil küllä rahwal linno sen Nawwi järwen leoda, se tegge meije külläle suurd kahjo

I  kui sen järwen linno nadas leodama sis haisas se järw ni et sääl ellä ei jõwwa ja kallagi kolese ärrä

II Sest aost kui sääl järwen ni paljo nadi linno leodama koolwa meije lamba kiik ärrä ni et utteainu ajastaja kahjo 240. rubla suur olli. -

III Se küllä tamme mes pool wersta pikka omma kost küllä karri 4. kord üttel päiwal ülle käü, sawa linna widdämissega ni ärrä sõkkutus et waiw om läbbi käwwä. -

Sis sai käsk antus kes Zoppa kulla all Nawwi järwen taht linno leoda sis koggokunna kohtu ette tulla. Sis tulli Hindrik Mõttus, Johann Wahher ja Peter Waggol, koggokunna kohtu ette ja wastudase meil ei olle kongi ommi linno leoda, andnu meile kewwäjä tedä, sis mee olles kui taht kaenu.

Koggokunna kohhus arwas ka seddä keelmist ildas ollewa.

Sis omma Zoppa küllä perremihhe lubbanu tõise Kakker järwe mes ka neide krundi seen ja numri all om, ent külläst kaukembal linno leoda too perräst et nemmä kewwäjä ei olle neile teda andnu. -

Hindrik Mõttus, Johann Wahher, ei tahha sedda järwe ja ütlese, sääl ei woi linno leoda.

Sis om koggokunna kohhus seddä Kokker jarwe ülle ülle kaenu, et om kül woimalik sääl Kokkõr järwen linno leoda.

Moistet: Sääl küllä all Nawwi järweka woiwa ne tetta mes nemmä arwasse kelle numbri all se järw om ent tõise küllä ne woiwa säält külläst kaukemban Kokker järwen linno leoda. -

                                   Päkohtumees: Jaan Melz.

                                    Kohtumees: Peter Werro

                              abbi kohtumees: Michel Nawwi

                                                         Kirjotaja P Zopp.