Selle moisa Luhhawaht Johan Wassar tõstse kaibust temma ollewat Moisa herra kässo pääle kats kord Luhhatee kinni pandnu et külla rahwas ei tohhi Luhta minna ent kui kaema länno om löidno tee walla tetto ollewat kui kolmas kord kinni pandnu yänu essi puhma sisse wahhis et nätta saas kes tee walla teggija om. Sääl nänno temma et Jönsoni latse tullowa Obbustega ent kui tedda nännowa yänowa saisma ning ei olle tullo siis tullo Jonson essi temma manno ning sõimanu tedda ja üttelnu kuidas temma tohib Latsi irmotada lööno temmal 4 kord rusigaga kaala soonde pääle ning lubbanu uinotada.

Tunnistajas antis ülles tütrik Marri Pabello.

Tunnistaja kutsoti ette ning üttel temma tullo Meerilt ülle Luhha Saare ja kuulo suurd kissa ent ei olle manno länno wait jänu lähhidele puhma warjo saisma ning kuulo ja nänno keik mis Peter Jönson Luhhawahhiga tenno ent nemma ei olle tedda nänno. selle pääle länno Wassora naise manno ja kõnnelnu mis nänno, siis  saanu Wassar teeda et ka näggija olli.

Peter Jönson kutsoti ette ning üttel et koggonist Luhhawahti ei olle löönu wait wõtno ollast kinni ja näitanu ütte witsa ning üttelnu sedda olles sulle waja et Latsi irmotat muud ei olle üttelnu.

Jönson tahtis henda Latsi tunnistayas kutso ent es saa kohto poolt woetus.

Luhhawaht Johan Wassar noudis egga löögi eest kuus rubla selle et neide ruske löögide läbbi temma muidogi häddalinne terwus weel rohkemb om rikkoto.

Koggogonna kohto moistus.

Peter Jönson massab egga löögi eest 3 R. se om 12 R.

Selle moisusega es olle kumbgi rahhul.

P.J. kulutas enne ning saige temmale Prottocoll antus.

Päkohtomees Andres Tageperra

Abib kohtomees Jaan Koch

Abbikohtomees Johann Unt