Werro walla koggokunna kohtun sel 28. augustil 1872.

                                mann olli Päkohtumees: Jaan Melz.

                                                 Kohtumees: Peter Werro.

                                                 Kohtumees: Peter Wahher.

Jürri Onnoperrä kaiwas: minno welli Peter ei lasse minnol rihhi pessä sen tarren mes meil üttine tarre om, ja seni ajani ollemi ni rihhi pesnu, minna Jürri olle  1. nättäl, ja minno welli Peter 2. näddälit rihhi pesnu, tooperräst et tarre kattus olli ärrä laonu, ja Peter parrand tarre kat-

tusse sis kunna minnol olgi es olle parranda.

Peter Onnoperrä wastutas minna olle tarre kattusse parrandanu tooperräs minna ei anna temmale tarre rihhi pessä, ei ka tahha temmä käest kattusse parrandamisse eest middägi. -

Koggokunna kohhus om neid sundnu kattust parrandama ja Jürri om üttelnu et temmäl ei olle olgi olnu, ja se kattus om jo laonu olnu 4. ehk 5. astat, ja Peter om üttelnu et temmäl olgi om ja luppanu kattusse parrandada, sis omma kohtumihhe üttelnu, et parrandade Peter ärrä sis ei sa Jürri enne pessä kui Peter ärrä omma rihhe pes. Sis om sel 28 augustil nemmä koggokunna kohtu ete kutsutu. -

Moistet: Et Peter peap sis 2. näddälit een rihhe pesma ja Jürri 1. nättäl takkan rihhe pesma, ja Jürri peap Petrele kiik se kattusse 

                 parrandamisse täwwest ärrä masma, ja laggi mes kattusse läbbi om ärrä mädänu peap mollemba sel suggisel ärrä 

                 parrandama.   

Moistminne kullutet sel 28 augustil 1872.

                                                                           Päkohtumees: Jaan Melz

                                                                           Kohtumees: Peter Werro

                                                                           Kohtumees: Peter Wahher

Peter Onnoperrä kulutas: et temma selle moistmissega rahhu ei olle, ja palles prottokolli walja mes ka anda lubbadi.

                                                                          Päkohtumees Jaan Melz

                                                                          Kohtumees Peter Werro

                                                                                        do    Peter Wahher  

                                                                                                                Kirjotaja P Zopp