Tulli ette moisa mõtsawaht Endrik Tiedeberg nink kaibas temma küssino perrisherra käest üts wak seeme keswi minnewa Aasta nink wallitseja andno temmale pangi keswi mis ei olle kassuno.

Andres Tageperra kaeno enne wihma saddu sedda keswa külwi ülle nink ollu ennegi kolmas jäggo arwata ülles tullo tõise keswa kõrwal.

Moisa noore herra G. v.Zür Mühlen tunnistas kui Mõtsawaht moisan käino ja üttelnu et need keswad ei kaswa om Schmidt üttelnu et keswa andmissega essino om ja om kogemata prugi keswi andnu.

Wallitseja Karl Schmidt jäie selle manno, et täwweste säält salwest om andnu kost noore herra käsknu.

Moistus

Wallitseja Karl Schmidt massap 2 wakka keswi ehk (6) kuus rubla.

Karl Schmidt es olle rahhul ning pallus Prottocolli.

Päkohtomehhe assemel Jaan Koch

kohtomees Johan Uint

kohtomees Mihel Pedius