Tulli ette selle walla essino tütrik Marri Orraw ning kaibas et selle walla mees Mihel Tõnnisson kuwwe aasta eest hennast temmaga lihhalikkolt ühhendanu ning temmal poig Lats saanu ja pallus kohhut temmale moista et Mihel Tõnnisson temmale Latse kaswadamisses abbis eitas sest et se edimane kuus Aastat temma käest middagi saanu ei olle ja nüid sel waesel Aastal ennamb ei jõwwa ütsinda sedda Last toita.

Kutsuti ette Mihel Tönnisson ning üttel et koggonist selle tütrikoga teggemist ei olle ollu ning nimmitas kats tunnistajat kellest üts erra koolu ning tõine soldanis wiido om.

Selle päle wastas Marri Orraw temma lanno 8sa päiwa enne mahha saamist Tönnissoni manno Tarto liina henda asja perrast kõnneläma, siis andnu Tönnisson temmale 8 Kop. ja käsknu erra minna.

Sedda rahha andmist tunnist Tönnisson õige ollewat, ent andnu ennegi selle perrast, et tütriko tundno ja temma palluno et tee rahha suggugi ei olle ent mitte selle perrast ei olle andnu et temmaga teggemist om.

Koggogonna kohto moistus.

Et sel Mihel Tonnissonil selle ülle tunnistust ei olle, et tutrik M. O. tõiste meestega ellanu om, siis arwap kohhus tedda ütsinda selle Latse Essas.

Nink massap se nelli Aastat nikawwa kui Lats 10 Aasta wannas saap egga aasta kümme Rub. ja nimmelt nelli kord aastal ette ja egga kord 2 R. 50 K. ent se edimatse Aasta mas sest 1868 Jakobi päiwast arwato 10 R. 8sa päiwa sehhen.

Marri Orraw olli selle moistussega rahhul. Ent Mihel Tönnisson es olle ning pallus Prottocolli. Oppuse leht kätte anto.

päkohtomehhe assemel Jaan Koch

kohtomees Johan Uint

kohtomees Mihel Pedius

Prottocoll anto 18mal Junil 1869.