Näitsik Marri Must kaibab et temma perremees Hendrik Sentka ei tahta temmale palka ärrä massa, 10 rubl. 1 leisikas linno, 2 naela willo ja pälegi ei woida temma naine tedda sukkugi nätta, enge soimata tedda ühte puhku.

Hendrik Sentka ütleb et ta kül ennegi 8 rubl. anda, et ta kewwadel haige olnu ja 6 näddalit ärrä wiitnu, nink nõuab nüüd palgalisse päiwi.

Marri Must arwab et ta ennegi 2 näddalet haige olnu, emma pool ilma perremehhe sömata.

Wallitseja Kalpin tunnistab et temma ramato järrele ennege 2 näddalet widetu.

Moisteti: Et haige ollemisse eest 6 päiwa a' 20 Kop. = 120 K. mahha wõtta, ja om selle järrele perremehhel Kaebajalle palka wälja massa 8 Rbl. 80 Kop., 1 leisikas linno, 2 naela willo - kellest warsti 1/2 wälja massa.

Se otsus sai kohto käujile kulutedus.

Pä kohtomees Gusta Lühde XXX

Kohtomees Peter Naritz XXX

wöörmünder Jaan Songisep (Serre) XXX