Wosse tallo perrisostja Jürri Anderson naine olli kohtomehhe Jaan Koch manno länno nink kaibano et temma Aida uks öse mahha wõeto nink säält 2 wakka Suurmit 7 leisik Linno nink 72 Eringe kalla erra wõeto, selle perra länno nimmitedo kohtomees ütten sedda wargust takka otsma nink otsnowa nimmelt külla kõrts läbbi ent kui ei olle löitno siis üttelno perrast Jürri Anderson rentnik Jaan Puusep et Jürri Anderson essi henda warrandust temmale 1 R eest erra müino ja selle pääle üts tunnistus täht andno et selle perrast pelgo ei pea ollema.

Moistus

Et Jaan Pusep kohto poolt sedda käsko om saano kui Jürri Anderson jobno päga middagi rummalat teggo tahhap tetta siis peap tedda keelma; Ent nüid selle teoga temmale suurd kahjo tahtis tetta. siis kaotap Jaan Pusep se 1 R mis Jürri Andersonile andno nink massap weel Ladiko trahwi 1 R. nink annap warsti nimmitedo kraam Jürri Anderson naise kätte. Ja Jürri Anderson massap selle rummala teo eest 1 R. Ladiko trahwi.

Üts tõine kord om Jürri Anderson jobno päga 5 naela willo Jaan Puseppale andno nink saano 20 kop. Anti käsk Jaan Pusep peap warsti need willat Andersoni naise kätte andma.

Pakohtomees Johan lucht

kohtomees Jaan Koch

kohtomees Johan Uint